الداعى 3 كۇنگە ارنالعان اۋا رايى

سينوپتيكتەر 2-4 اقپانعا ارنالعان اۋا رايى بولجامىن جاسادى, دەپ حابارلايدى قازگيدرومەت. «اقپان ايىندا قار جاۋىپ, بۇرقاسىنداتادى. كەزەكتى تسيكلون باتىس سىبىرگە اۋىسىپ, سولتۇستىك قازاقستان ارقىلى وتەدى. تسيكلون مەن اتموسفەرالىق اعىمدار كوپتەگەن وبلىستاردا اۋا-رايىن وزگەرتەدى. سوعان بايلانىستى, قار جاۋىپ, بۇرقاسىن بولادى. جول كورىنىسى مۇمكىنشىلىگى ناشارلاپ, 500 مەترگە دەيىن بارادى. جەلدىڭ ۇيىتقۋى 15-20 مەتر سەكۋندقا, ال سولتۇستىك وبلىستاردا ونىڭ جىلدامدىعى 23-28 مەتر سەكۋندقا دەيىن جەتەدى», - دەلىنگەن حابارلامادا. سينوپتيكتەردىڭ دەرەگىنە سۇيەنسەك, قازاقستاننىڭ وڭتۇستىك جانە وڭتۇستىك-شىعىس وبلىستارى وڭتۇستىك تسيكلوننىڭ اۋا اعىمىندا بولادى. سوندىقتان بۇل جەرلەردە جاۋىن-شاشىن بولىپ, ىلعالدى قار جاۋىپ, تۇمان ءتۇسىپ, باتىستان قاتتى جەل سوعادى, كەي جەرلەردە جەلدىڭ جىلدامدىعى 23-28 مەتر سەكۋندقا دەيىن جەتەدى. اۋا تەمپەراتۋراسى تومەندەپ, كوك تايعاق, قار مەن تۇماننىڭ سالدارىنان كورىنىس مۇمكىندىگى تومەندەپ, 200-500 مەترگە دەيىن بارادى.