UFC پرەزيدەنتى: روندا روۋزي سپورتتان كەتۋى مۇمكىن

UFC ۇيىمىنىڭ پرەزيدەنتى دانا ۋايت جانكۇيەرلەرگە ۇيىمنىڭ بۇرىنعى چەمپيونى روندا ءروۋزيدىڭ مانسابىن اياقتاۋى مۇمكىن ەكەندىگىن مالىمدەدى. بۇل تۋرالى vesti.kz حابارلادى. «ەگەر روندامەن سويلەسەتىن بولسام, وعان ارى قاراي جەكپە-جەككە شىعۋىڭدى توقتات دەپ ايتاتىن ەدىم. مەنىڭ ويىمشا ول UFC-داعى كارەراسىن اياقتادى. ول توبەلەستى تۇبەگەيلى قويىپ, جاڭاشا ءومىر سۇرۋگە تالپىنىپ ءجۇر. ول UFC-ءدى جاقسى كورەتىن. رەيتينگ, جەڭىس, جانكۇيەرلەردىڭ قوشەمەتى ول ءۇشىن وتە ماڭىزدى ەدى. بىراق سوڭعى كەزدەگى ساتسىزدىكتەرىنەن كەيىن ويىن تۇبەگەيلى وزگەرتكەن سياقتى», – دەدى UFC پرەزيدەنتى. «قازىر ءوزىن باسقا قىرىنان كورسەتۋگە تالپىنىپ ءجۇر.ول باسقا شارۋلارمەن اينالىسىپ ءجۇر. سپورتتا ءجۇرىپ ءبىراز جەتىستىككە جەتتى, اقشاسى دا جەتەرلىك. سوندىقتان قارجى جاعىنان قينالادى دەپ ويلامايمىن», – دەدى ول. «روندا سپورتقا ايتارلىق ۇلەس قوستى. قىزدارعا مما-ءدىڭ جولىن اشىپ بەردى. مما-دەن قىزدار اراسىندا وتكەن ەڭ ايتۋلى جەكپە-جەككە قاتىستى. بىراق ەندىگى ونىڭ كەتەتىن ۋاقىتى كەلگەن سياقتى», – دەيدى ۋايت. ايتا كەتەيىك, روندا روۋزي 2015 جىلدىڭ 15 قاراشاسىندا امەريكالىق حوللي حولمنان وڭباي ۇتىلىپ, العاش رەت جەڭىلىسكە ۇشىراعان. جاراقاتىنان ايىعىپ, جەكپە-جەككە قايتا شىققان ول 2016 جىلدىڭ 31 جەلتوقسانىندا لاس-ۆەگاستا UFC 207 تۋرنيرىندە برازيليالىق اماندا نۋنەستەن 48 سەكۋندتا جەڭىلىپ قالدى. سەگىزبۇرىشتا ول بارلىعى 14 كەزدەسۋ وتكىزىپ, 12 ايقاسىندا باسىم تۇسكەن.