اۆستريالىق ينۆەستورلار وقو-دا كاسىپورىن اشۋعا نيەتتى

وڭتۇستىك قازاقستان  وبلىسىنىڭ اكىمى جانسەيىت تۇيمەباەۆ قازاقستان رەسپۋبليكاسىنىڭ كارينتياداعى (اۆستريا) قۇرمەتتى كونسۋلى پەتەر ساندريسسەرمەن جانە «اسمەد» جشس-ءى باسشىلىعىمەن كەزدەستى, دەپ حابارلايدى وقو اكىمدىگىنىڭ ءباسپاسوز قىزمەتى. كەزدەسۋ بارىسىندا تاراپتار وڭتۇستىك قازاقستان وبلىسى مەن اۆستريانىڭ جانە ونىڭ وڭىرلەرىنىڭ قارىم-قاتىناستارىن ارتتىرۋ مۇمكىندىكتەرى مەن تۋريزم, سپورت, ەكسكليۋزيۆتى كوناق ۇيلەردى جانە تۇرعىن ءۇي كەشەنى جوبالارىن دامىتۋ, يندۋستريا سالاسىندا بىرلەسكەن كاسىپورىندار قۇرۋ, تەحنولوگيالاردى جەتىلدىرۋ, ءبىلىم بەرۋ, ەنەرگەتيكا, ينفراقۇرىلىم, اۋىلشارۋاشىلىعى سالالارىن دامىتۋ جايىندا اڭگىمەلەستى. وتىرىستا وبلىس باسشىسى ج.تۇيمەباەۆ ىسكەرلىك جانە ينۆەستيتسيالىق احۋالدى ارتتىرۋ ءۇشىن وڭىرىمىزدە اتقارىلىپ جاتقان جۇيەلى جۇمىستارعا توقتالىپ, شەتەلدىك ينۆەستورلار ءۇشىن تيىمدىلىك پەن جەڭىلدىكتەردى تىلگە تيەك ەتتى. «اكىمشىلىك كەدەرگىلەردى ازايتىپ, ينۆەستورلارعا قاجەتتى مالىمەتتەردىڭ قولجەتىمدىلىگىن ارتتىرۋدامىز.ءبىر عانا شىمكەنتتە ءۇش يندۋستريالدى جانە ءبىر ەكونوميكالىق ايماق بار. بىزگە كەلگەن ينۆەستورلارعا قۇجاتتارىن رەتتەستىرىپ, ءوندىرىس ورنى ورنالاسقان جەرگە ينفراقۇرىلىمىن جۇرگىزىپ بەرەمىز»,-دەدى وبلىس باسشىسى جانسەيىت قانسەيىت ۇلى. سونىمەن بىرگە, ءوڭىر باسشىسى ايماعىمىزعا ارنايى كەلگەن قۇرمەتتى قوناق پ.ساندريسسەرگە وڭتۇستىك قازاقستان وبلىسى مەن اۆستريا رەسپۋبليكاسىنىڭ كارينتيا ايماعىنىڭ اراسىندا تۇزىلگەن دەكلاراتسياعا قوسقان ايرىقشا ۇلەسى ءۇشىن العىسىن ايتتى. قوس مەملەكەتتىڭ باۋىرلاستىق قاتىناستارىن نىعايتۋ ءۇشىن ارنايى مەموراندۋم تۇزۋگە ءبىزدىڭ تاراپ دايىن ەكەنىن جەتكىزدى. ءوز كەزەگىندە مارتەبەلى مەيمان وڭتۇستىك قازاقستان وبلىسى تۋرالى وڭ لەبىزى مەن  وڭىرىمىزدىڭ ەكونوميكالىق دامۋىنا ەرەكشە سەنىمىن  بىلدىردى. ەسكە سالا كەتسەك, 2016 جىلدىڭ 29 قىركۇيەگىندە اۆستريا رەسپۋبليكاسىنىڭ فەلدەن قالاسىندا ورتالىق جانە شىعىس ەۋروپا ەلدەرىنىڭ ەكونوميكالىق فورۋمى وتكەن بولاتىن. سول كەزدە وڭتۇستىك قازاقستان وبلىسىنىڭ دەلەگاتسياسىن باستاپ بارعان وبلىس اكىمىنىڭ ءبىرىنشى ورىنباسارى د. ساتىبالدى مەن كارينتيا ايماعى ۇكىمەتىنىڭ باسشىسى پ.كەيزەر اراسىندا ىنتىماقتاستىق دەكلاراتسياسىنا قول قويىلعان ەدى.