مەتاللۋرگيا سالاسى قارقىندى دامي باستادى

مەتاللۋرگيالىق ءوندىرىس كولەمدەرى 2016 جىلى 3,4 تريلليون تەڭگەگە دەيىن, ياعني ءبىر جارىم ەسە ۇلعايعان. 2016 جىلعى قاڭتار – جەلتوقسان ارالىعىنداعى كەزەڭدە مەتاللۋرگيالىق ونەركاسىپ ءوندىرىسىنىڭ كولەمدەرى 3,36 تريلليون تەڭگەنى قۇراعان – 2015 جىلمەن سالىستىرعاندا 58,6% ارتىق. سونداي-اق, ءونىم كولەمى دە 6,6% وسكەن. سالىستىرۋ ءۇشىن ايتا كەتەيىك, جالپى وڭدەۋ ونەركاسىبى بويىنشا ءوندىرىستىڭ فيزيكالىق كولەمى نەبارى 0,7% وسكەن. سەكتورداعى ءوندىرىس 2014 جىلدان بەرى – ەكىنشى يندۋستريالىق بەسجىلدىقتىڭ باسىنان باستاپ تۇراقتى ءوسىپ كەلەدى. مەتاللۋرگيا سالاسىنان تۇسەتىن تابىستىڭ 79,1%-ى ءۇش وبلىسقا تيەسىلى. قاراعاندى وبلىسى – 1,1 ترلن تەڭگە, شقو – 907 ملرد تەڭگە جانە پاۆلودار وبلىسى 635,6 ملرد تەڭگە. بۇدان بولەك, ەڭ كوپ ءوسىمدى اقمولا وبلىسىنىڭ مەتاللۋرگتەرى كورسەتكەن, ونداعى ءوسىم 2,2 ەسەنى قۇراعان. ءۇش ونەركاسىپتىك ءوڭىر: قاراعاندى, شىعىس قازاقستان جانە پاۆلودار وبلىستارى بارلىق ءوندىرىستىڭ 80%-عا جۋىعىن قامتاماسىز ەتكەن