ادام كاپيتالى – ەلدىڭ باستى بايلىعى

كەشە استاناداعى تاۋەلسىزدىك سارايىندا «نۇر وتان» حدپ «قازاقستاننىڭ شەتەل ينۆەستورلارى كەڭەسى» قاۋىمداستىعى جانە «اتامەكەن وداعى» ۇلتتىق ەكونوميكالىق پالاتاسىمەن بىرلەسىپ, ادام كاپيتالىنا ارنالعان حالىقارالىق كونفەرەنتسيا وتكىزدى.   ونىڭ تاقىرىبى «تاۋەلسىز­دىك­تىڭ 20 جىلى: قازاقستان رەس­پۋب­ليكاسىنداعى ادام كاپيتا­لى­نىڭ ساپاسى مەن ونى دامىتۋ بو­لا­شاعى» دەپ اتالدى. قازىر ەلىمىزدە ەلباسى نۇرسۇلتان نازار­باەۆ­تىڭ تاپسىرماسىنا سايكەس قازاقستان ەكونوميكاسىن دامى­عان جانە باسەكەگە قابىلەتتى ەلدەر دەڭ­گەيىنە جەتكىزۋدى ماقسات تۇت­قان كەڭ اۋقىمدى باعدارلامالار جۇزەگە اسىرىلىپ جاتقانى بەلگىلى. سونىڭ ىشىندە ۇدەمەلى ين­دۋس­تريالىق-يننوۆاتسيالىق باعدارلا­ما بويىنشا جوسپارلانعان 240 مىڭ جاڭا جۇمىس ورنىنىڭ 60 مىڭى اشىلدى. «بيزنەستىڭ جول كارتاسى-2020» باعدارلاماسى بوي­­ىنشا 600-دەن استام شاعىن جانە ورتا بيزنەس كاسىپ­ورىن­دا­رى­نا قولداۋ كورسەتىلدى. ءۇستىمىز­دەگى جىلدىڭ شىلدە ايىندا جۇ­مىس­پەن قامتۋدىڭ جاڭا باعدار­لا­ما­سى ىسكە اسىرىلا باستادى. وعان بيىلدىڭ وزىندە 40 ملرد. تەڭ­گە­دەي قاراجات ءبولىندى. وسىنداي اسا اۋقىمدى شارالاردى ىسكە اسىرۋدا ادام كاپيتالىنىڭ ءرولى ايرىقشا ەكەنى داۋسىز. پرەزيدەنت نۇرسۇلتان نازارباەۆ سانكت-پەتەربۋرگتە بولعان حا­لىقارالىق ەكونوميكالىق فورۋمدا: «ادام كاپيتالى – تۇ­راق­تى ەكونوميكالىق دامۋدىڭ نەگىزى جانە يننوۆاتسيالاردىڭ باستى قوزعاۋشى كۇشى» دەگەن ەدى. سون­دىقتان دا «نۇر وتان» حدپ ادام كاپيتالىن دامىتۋ ماسەلەلەرىنە قاتتى كوڭىل ءبولىپ, ونى ءوز قىز­مەتىنىڭ باسىم باعىتتارىنىڭ بىرىنە اينالدىرىپ وتىر. كونفەرەنتسيادا سويلەگەن سوزىندە «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين بۇل ماسەلەگە ايرىقشا توقتالىپ ءوتتى. «ەلىمىزدىڭ ءاربىر ازاماتى – قازاقستاننىڭ باستى بايلىعى. بۇل – ەلباسىمىز, «نۇر وتان» حدپ توراعاسى نۇرسۇلتان نا­زار­باەۆتىڭ جۇرگىزىپ وتىرعان ساياسا­تى. پارتيامىزدىڭ حالىق­تىق تۇ­عىرناماسىنىڭ دا باستى يدەياسى وسى دەپ ايتۋعا بولادى. سوڭعى پار­لامەنت ءماجىلىسىنىڭ سايلاۋى­نا تۇسكەن كەزدە ءبىزدىڭ ماقساتى­مىز ءاربىر قازاقستاندىقتىڭ ءومىر ساپاسىن ارتتىرۋ بولاتىن. وسى ماقساتقا جەتۋ ءۇشىن ءبىز كۇن سايىن ەڭبەك ەتىپ, قازىرگى ۋاقىتتا ناق­تى جەتىستىكتەرگە قول جەتكىزدىك دەپ اي­تۋعا بولادى», – دەدى نۇرلان زايروللا ۇلى. جوعارى تەحنولوگيالىق كاسىپ­ورىن­دار مەن جاڭا جۇمىس ورىن­دارىنىڭ اشى­لۋى, ەڭبەكاقىنىڭ وسە ءتۇسۋى  تاۋەل­سىزدىگىمىزگە 20 جىل تولاتىن بيىلعى جى­لى حا­لىقتىڭ تۇرمىسىن ايتارلىقتاي جاقسارت­تى. تەك سوڭعى ءتورت جىل­دىڭ ىشىندە عانا قازاقستان­دىق­تاردىڭ ناق­تى تابىسى 80 پايىزعا ءوستى. وسى ۋاقىتتا حالىقتىڭ دەنساۋلىعىن ساقتاۋ مەن ءبىلىم بەرۋ سالالارىن قارجىلاندىرۋ 2 ەسە ارتتى. بيۋدجەتتەن قارجىلان­دى­رى­لاتىن بارلىق قىزمەتشىلەردىڭ ەڭبەك­ا­قى­سى جانە زەينەتاقىنىڭ ورتاشا ءمول­شەرى ەكى ەسە ءوستى. كونفەرەنتسيا جۇمىسىنا پرەمەر-ءمينيستردىڭ ورىنباسارى ەربول ورىن­باەۆ, پارلامەنت دەپۋتاتتارى, ورتالىق اتقارۋشى ورگاندار مەن ۇلتتىق كومپا­نيالاردىڭ, بيزنەس پەن كاسىپوداقتىڭ, ۇەۇ, جوعارى جانە ورتا كاسىبي وقۋ ور­ىندارىنىڭ وكىلدەرى, ۇلىبريتانيا, اقش, گەرمانيا, گوللانديا, رەسەي جانە ت.ب. ەلدەردىڭ ساراپشىلارى قاتىستى.  ءوز­دەرىنىڭ سوزدەرىندە شەتەلدىك ساراپ­شى­لار قازاقستاننىڭ تاۋەلسىزدىك جىل­دا­رىندا قول جەتكىزگەن تابىستارى وراسان ەكەنىن, سونىڭ ىشىندە ەكونوميكالىق جەتىستىكتەرىمەن قاتار, ادام كاپيتا­لى­نىڭ باعاسىن تۇسىنۋدە ۇلكەن تابىستارعا قول جەتكىزگەنىن اتاپ ءوتتى. سونىڭ ىشىندە رەسەيلىك عالىم يۋري ادلەر قازاق­ستان­نىڭ ادام كاپيتالى ماسەلەسىن كوتەرىپ جاتقانىنىڭ ءوزى بولاشاعى زور مەملەكەت ەكەنىن كورسەتەدى, دەدى. بريتانيالىق ساراپشى  ستەفان دجون بۇل پىكىردى قوستاي كەلىپ, قازاقستاننىڭ ورتالىق ازياداعى كوشباسشى ەل ەكەندىگى داۋ تۋعىزبايتىنىن كولدەنەڭ تارتتى. ءىس-شارا شەڭبەرىندە قازاقستاندىق كىتاپتار كورمەسى, «شەبەرلەر اۋىلى» ۇلت­تىق قولونەر شەبەرحاناسى ۇيىمداس­تى­رىلدى. جاقسىباي سامرات.