بانكتەر دەپوزيتتەرىنىڭ پايىزدىق ۇستەمەسىن جاپپاي ازايتىپ جاتىر

قازاقستاندىق ءىرى بانكتەر تەڭگەمەن سالىنعان دەپوزيتتەردىڭ پايىزدىق ۇستەمەسىن تومەندەتىپ جاتىر, دەپ حابارلايدى قازاقستاندىق دەپوزيتتى ساقتاندىرۋ قورى. قوردىڭ جەكە تۇلعالاردىڭ سالىمدارى ءۇشىن كەپىلدەندىرىلگەن ءتيىمدى ۇستەمەنى 14 پايىز دەڭگەيىندە بەلگىلەۋ تۋرالى شەشىمىنەن كەيىن كوپتەگەن بانكتەر وزدەرىنىڭ پايىزدىق ۇستەمەسىن تومەندەتە باستادى. وسىلايشا, ورتاشا ەسەپپەن دەپوزيتتىڭ ۇستەمەسى 2-29 پايىز ارالىعىندا ازايدى. كaspi bank 2017 جىلدىڭ 1 قاڭتارىنان باستاپ تەڭگەمەن سالىمداردىڭ ۇستەمەسىن ازايتتى. بانكتىڭ مالىمەتىنشە, دەپوزيتتىڭ ۇستەمەسى بيىلدان باستاپ 14 پايىزدان 11,4 پايىزدعا ازايدى. ال دوللارمەن سالىنعان دەپوزيت بيىلعا دەيىن 2 پايىز بولسا, بيىلدان باستاپ 1,5 پايىزعا ازايتىلدى. ەۋرازيالىق بانك ءوزىنىڭ پايىزدىق ۇستەمەسىن 1 پايىزعا تومەندەتتى. "ماسەلەن, TURBO Deposit بويىنشا سالىنعان قاراجات جىلىنا بۇرىن 15 پايىزبەن وسەتىن بولسا, بيىلدان باستاپ 14 پايىزبەن كوبەيمەك. ال قالعان نومينالدى ۇستەمە 14 پايىزدان 13 پايىزعا قىسقارتىلدى", - دەپ حابارلايدى بانكتىڭ  call-ورتالىعى. قازكوم بانكى دا 1 قاڭتاردان باستاپ "ۇزدىك" دەپوزيتتەرىنىڭ ۇستەمەسىن 14-تەن 13,2 پايىزعا ازايتتى. ال جىلدىق ءتيىمدى ۇستەمە 14-9 پايىزدان 14 پايىزعا ءتۇستى. تسەنتركرەديت بانكى بۇل ۇردىسكە جەلتوقساننىڭ 26-سىندا كوشكەن. "چەمپيون" دەپوزيتىنىڭ 18 ايلىق ۇستەمەسى 147-تەن 12 پايىزعا ءتۇستى. ال جىلدىق ءتيىمدى ۇستەمەسى 14,8 پايىزدان 12,7 پايىزعا ازايدى. حالىق بانكىنىڭ "حالىقتىق - ستاندارتتى" دەپوزيتىنە تەڭگەمەن سالىنعان قارجى جىلىنا بۇرىن 12,5 پايىزبەن وسسە, ەندى بۇل كورسەتكىش بار بولعانى 10-اق پايىزدى قۇرايدى.