قازاقستان رەسپۋبليكاسى ۇكىمەتىنىڭ قاۋلىسى №744

2011 جىلعى 30 ماۋسىم,  استانا, ۇكىمەت ءۇيى قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتاردى جانە قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان اۋدانداردى بەلگىلەۋ قاعيداسىن بەكىتۋ تۋرالى «قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى» قازاقستان رەسپۋبليكا­سىنىڭ 2005 جىلعى 7 قاڭتارداعى زاڭىنىڭ 7-بابىنىڭ 26-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتاردى جانە قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان اۋدانداردى بەلگىلەۋ قاعيداسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى            ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 30 ماۋسىمداعى № 744 قاۋلىسىمەن بەكىتىلگەن قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتار مەن قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان اۋدانداردى بەلگىلەۋ قاعيداسى 1. جالپى ەرەجەلەر 1. وسى قاعيدا «قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى» قازاقستان رەسپۋبليكاسىنىڭ 2005 جىلعى 7 قاڭتارداعى زاڭىنىڭ 7-بابىنىڭ 26-1) تارماقشاسىنا سايكەس ازىرلەندى, ول وق-دارىلەر مەن جارىلعىش زاتتاردى ساقتاۋ قاۋىپسىزدىگىن, حالىقتى جانە وندىرىستىك, الەۋمەتتىك-تۇرمىستىق جانە وزگە دە ماقساتتاعى وبەكتىلەردى قورعاۋدى قامتاماسىز ەتۋ ماقساتىندا قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتار مەن قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان اۋدانداردى بەلگىلەۋ ءتارتىبىن ايقىندايدى. 2. قاعيدادا مىناداي ۇعىمدار پايدالانىلادى: 1) قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ وق-دارىلەر ارسەنالدارى, بازالارى مەن قويمالارى (بۇدان ءارى – ساقتاۋ وبەكتىلەرى) – اسكەري ماقساتتاعى وبەكتىلەر, ولاردا ارتيللەريالىق, تانك قارۋ-جاراعىنا 57 مم جانە ودان جوعارى كاليبرلى وق-دارىلەردىڭ تۇرلەرى مەن نومەنكلاتۋرالارىنىڭ 50-دەن استام شارتتى ۆاگونى, ينجەنەرلىك وق-دارىلەر, سونداي-اق اۆياتسيالىق زاقىمداۋ قۇرالدارى مەن اۋە شابۋىلىنا قارسى قورعانىس زىمىراندارى ۇستالادى; 2) شارتتى ۆاگون – 20 تونناعا تەڭ وق-دارىلەر كولەمىن بىلدىرەتىن وق-دارىلەردى جەتكىزۋدى ەسەپكە الۋ جانە ساقتاۋ بىرلىگى; 3) قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ وق-دارىلەر ارسەنالدارى, بازالارى مەن قويمالارى جانىنداعى تىيىم سالىنعان ايماق (بۇدان ءارى – تىيىم سالىنعان ايماق) – ساقتاۋ وبەكتىلەرىنىڭ ءورت قاۋىپسىزدىگىن قامتاماسىز ەتۋ ماقساتىندا بولىنگەن ساقتاۋ وبەكتىلەرىنە تىكەلەي شەكتەسەتىن اۋماق; 4) قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ وق-دارىلەر ارسەنالدارى, بازالارى مەن قويمالارى جانىنداعى تىيىم سالىنعان اۋدان (بۇدان ءارى – تىيىم سالىنعان اۋدان) – ساقتاۋ وبەكتىلەرىنىڭ ديۆەرسياعا قارسى قاۋىپسىزدىگىن قامتاماسىز ەتۋ ماقساتىندا بولىنگەن اۋماق; 5) قورعانىس قالقانى – ساقتاۋ وبەكتىسى اۋماعىنىڭ سىرتىنا ورناتىلاتىن قورشاۋ توپىراق ءۇيىندىسى, جاساندى ءۇيىندى, قورعانىس قۇرىلىسى جانە ولار تۇتانعان جاعدايدا جارىلعىش زاتتاردىڭ زاقىمداۋ قابىلەتىن تومەندەتۋگە, سونداي-اق وبەكت شەگىنەن تىسقارى تۇرعان اسكەري جانە باسقا دا م ۇلىكتى ساقتاۋ قاۋىپسىزدىگىن قامتاماسىز ەتۋگە ارنالعان. 2. تىيىم سالىنعان ايماقتار مەن تىيىم سالىنعان اۋدانداردى بەلگىلەۋ ءتارتىبى 3. تىيىم سالىنعان ايماقتىڭ ەنى ساقتاۋ وبەكتىسىنىڭ سىرتقى قورشاۋىنان 400 مەتردى قۇرايدى. جابدىقتالعان قورعانىس قالقانى بار بولعان كەزدە ەنى 2 ەسە ازايتىلادى. 4. تىيىم سالىنعان اۋدان ساقتاۋ وبەكتىسىنىڭ سىرتقى قورشاۋىنان 3 شاق. اراقاشىقتىقتا بەلگىلەنەدى. 5. يەلىگىندە ساقتاۋ وبەكتىسى تۇرعان مەملەكەتتىك مەكەمەنىڭ باسشىسى (بۇدان ءارى – مەكەمە باسشىسى) يەلىگىندە ساقتاۋ وبەكتىسى تۇرعان قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ءتيىستى باسقارۋ ورگاندارىمەن (بۇدان ءارى – باسقارۋ ورگاندارى) كەلىسىم بويىنشا ەكى دانادا تىيىم سالىنعان ايماقتار مەن تىيىم سالىنعان اۋدانداردىڭ شەكارالارىن بەلگىلەيتىن جوسپار-سحەمانىڭ جوباسىن جاسايدى. 6. كەلىسىلگەن جوسپار-سحەمانىڭ جوباسى جەرگىلىكتى اتقارۋشى ورگانعا (بۇدان ءارى – اكىمدىك) جولدانادى. 7. اكىمدىك العان كۇنىنەن باستاپ ءبىر اي مەرزىمدە جوسپار-سحەمانى بەكىتەدى جانە ءبىر داناسىن مەكەمە باسشىسىنا جانە كوشىرمەسىن ءتيىستى باسقارۋ ورگاندارىنا جولدايدى, سونداي-اق ازاماتتاردى تىيىم سالىنعان ايماقتار مەن تىيىم سالىنعان اۋداندار شەكارالارىن بەلگىلەۋ جەنە وعان بايلانىستى شەكتەۋلەر تۋرالى بۇقارالىق اقپارات قۇرالدارى ارقىلى حاباردار ەتەدى. 8. جوسپار-سحەمانى بەكىتكەننەن كەيىن مەكەمە باسشىسى جەرگىلىكتى جەردە تىيىم سالىنعان ايماقتاردىڭ شەكارالارىن جاقسى كورىنەتىن كورسەتكىشتەرمەن جانە مەملەكەتتىك جانە ورىس تىلدەرىندە جازىلعان جازبالارمەن بەلگىلەيدى. 9. جەرگىلىكتى جەردە تىيىم سالىنعان اۋداننىڭ شەكاراسى بەلگىلەنبەيدى. 10. تىيىم سالىنعان ايماق اۋماعىندا جەكە تۇلعالاردىڭ بولۋىنا, قۇرىلىسقا جانە ديۆەرسياعا جانە ورتكە قارسى قاۋىپسىزدىكتى قامتاماسىز ەتۋ ماقساتىندا جۇزەگە اسىرىلاتىن جۇمىستاردان باسقا قانداي دا ءبىر جۇمىستاردى جۇرگىزۋگە جول بەرىلمەيدى. 11. تىيىم سالىنعان اۋدان اۋماعىندا اتىس قارۋىنىڭ بارلىق تۇرلەرىنەن وق اتۋعا, پيروتەحنيكالىق قۇرالداردى پايدالانۋعا, سونداي-اق اتىس تيرلەرىن, ستەندىلەر مەن اتىس الاڭدارىن ورناتۋعا جول بەرىلمەيدى. 12. تابيعي جانە تەحنوگەندىك سيپاتتاعى توتەنشە جاعدايلار تۋىنداعان كەزدە حالىقتى, وندىرىستىك, الەۋمەتتىك-تۇرمىستىق جانە وزگە دە ماقساتتاعى وبەكتىلەردى قورعاۋدى جانە قورشاعان ورتانى قورعاۋدى قامتاماسىز ەتۋ ماقساتىندا يەلىگىندە ساقتاۋ وبەكتىلەرى تۇرعان باسقارۋ ورگاندارى تىيىم سالىنعان ايماقتارداعى جانە تىيىم سالىنعان اۋداندارداعى ساقتاۋ وبەكتىلەرىنە قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرالىمدارىنىڭ ءتيىستى بولىمشەلەرىن حاباردار ەتۋ جانە توتەنشە جاعدايلاردىڭ سالدارلارىن جويۋ, حالىقتى جانە م ۇلىكتى ەۆاكۋاتسيالاۋ جونىندەگى بىرلەسكەن ءىس-قيمىلدار جوسپارلارىن ازىرلەيدى. جوسپار وبلىستىڭ توتەنشە جاعدايلار جونىندەگى دەپارتامەنتىمەن مىندەتتى تۇردە كەلىسۋگە جاتا­دى جانە ونى يەلىگىندە ساقتاۋ وبەكتىسى تۇرعان باسقارۋ ورگانىنىڭ باسشىسى بەكىتەدى. جوسپاردى ءىس ءجۇ­زىندە پىسىقتاۋ, ادەتتە, كوكتەم-جاز ماۋسىمى باستالار الدىندا جىلىنا ءبىر رەتتەن ءجيى ەمەس جۇرگىزىلەدى. 13. توتەنشە جاعداي تۋىنداعان جاعدايدا مەكەمە باسشىسى اكىمدىكتى جانە وبلىستىڭ توتەنشە جاعدايلار جونىندەگى دەپارتامەنتىن حاباردار ەتەدى. 14. تىيىم سالىنعان ايماقتىڭ جانە تىيىم سالىنعان اۋداننىڭ شەكارالارىن بەلگىلەۋ تۋرالى ماسەلەلەردى قاراۋ كەزىندە تۋىندايتىن داۋلار, سونداي-اق تىيىم سالىنعان ايماقتا نەمەسە تىيىم سالىنعان اۋداندا تۇرعان قۇرىلىستاردى (عيماراتتاردى) بۇزۋ (كوشىرۋ) جانە ازاماتتاردىڭ قونىس اۋدارۋى تۋرالى ماسەلەلەر قولدانىستاعى زاڭناماعا سايكەس شەشىلەدى. ساقتاۋ وبەكتىلەرىنىڭ تىيىم سالىنعان ايماعىنىڭ نەمەسە ساقتاۋ وبەكتىلەرىنىڭ تىيىم سالىنعان اۋدانىنىڭ قۇرامىنا قوسۋعا بەلگىلەنگەن اۋماقتا ونەركاسىپ, اۋىل شارۋاشىلىعى, كولىك جانە باسقا دا كاسىپورىندار, ۇيىمدار مەن مەكەمەلەر نەمەسە ولاردىڭ پايدالانۋىنداعى عيماراتتار, قۇرىلىستار, سونداي-اق جەر ۋچاسكەلەرى ورنالاسقان جاعدايلاردا كورسەتىلگەن ايماقتار مەن اۋداندار شەكارالارىن بەلگىلەۋ تۋرالى ماسەلەنى قاراۋعا اكىمدىكتەردىڭ وكىلدەرى, سونداي-اق وسى پروبلەمانى شەشۋگە مۇددەلى مينيسترلىكتەر, ۆەدومستۆولار, زاڭدى جانە جەكە تۇلعالار تارتىلادى.