اياز اتا مەن اقشاقاردىڭ اۋىلىندا

«قىس ايازىمەن, جاز سامالىمەن» دەگەندەي, ناعىز قىس التايدا عوي, شىركىن! اق قار جا­مىلعان الىپ قاراعايلارى مەن سامىرسىندارى سامساعان نۋ ورمان سىرت قاراعاندا مۇلگىپ تۇرعانىمەن, ورتاسىنا كىرىپ بارسا­ڭىز, قايناعان قىزۋ تىرشىلىگىن كورەر ەدىڭىز. اسىرەسە, التايدىڭ القىمىن ءسۇيىپ وسكەن تۇر­عىندار ءۇشىن بۇل – ءبىر تاۋسىلماس مەرەكەلى مەز­گىل. ومبى قاردا اساۋ ۇيرەتكەن قانداي, اۋىز­دىعىمەن الىسقان اتتاردى جەگىپ الىپ, جەن­تەك قاردى لاقتىرا شانامەن جۇيتكىسەڭىز, ۇزاق­تى كۇنگە جالىقتىرماس سىرعاناعى شە؟!. مىنە, تاپ وسى شات-شادىمان كوڭىل كۇي تۇمسا تايگاداعى «گرو­موتۋحا» دەمالىس بازا­سىندا دا بار. بەرىسى ريددەردەن, ءارىسى ءوس­كە­مەننەن كەلگەن بۇلدىرشىندەر اياز اتا مەن اقشاقارعا قوناققا كەلگەندەي اسەردە قالادى. ويتكەنى, دەمالىس ورتا­لى­­عىنىڭ قوجايىندارى ءدال سونداي اۋرا قالىپ­­تاس­تىرىپ قانا قويماي, وزدەرى دە ەرتەگى كەيىپكەر­لەرىن سومداپ, بالا­لارعا كۇلكى سىيلاپ ءجۇر. ماسەلەن, «گرو­موتۋحا» تۋريستىك بازاسىنىڭ يەسى سەرگەي ترەتياكوۆ اياز اتا بولىپ, بازارلىق بەرەدى. ال جارى يۋليا ۇيىمداستىرۋ شارۋالارىمەن شۇعىلدانادى. ءبىر كەزەكتە 120 بالاعا دەيىن قا­بىل­داي­تىن تۋريستىك ورتا­لىقتا بالالارعا جەكەلە­گەن باعدار­لامالار قاراستىرىلعان. ولار سىرعاناق تەۋىپ, ويىن ويناپ قانا قويماي, ءتۇرلى سايىستارعا قاتى­سادى. ەڭ قىزى­عى, بالالار اياز اتا مەن اقشاقاردىڭ قونى­سىن تاڭدانا تاماشالايدى. قاراعايدان قيىپ سالعان ۇيلەر سىرتىنان شىرشا بۇتاق­تارىمەن, قىزىلدى-جاسىلدى باۋلارمەن, جەمىس-جيدەكتەرمەن اسەمدەلسە, ءۇي ىشىنە كىرگەن­نەن باستاپ اياز اتا مەن اقشاقاردىڭ شا­پا­نىن, اسا تاياعىن, ارنايى قاپقا سالىپ قوي­عان ويىن­شىقتارىن, اق قار جامىلعان ەدە­نىن, مۇز­دان قالانعان پەشى مەن قىراۋ باسقان اينا, ۇستەل, جاتىن ورنى سىندى جي­ھاز­دارىن بايقايسىز. اقشاقار با­لالارعا ءوزىنىڭ قونىسى تۋرالى قىزىقتى ەرتەگىلەر دە ايتىپ بەرەدى. – مەن زيموۆە اۋىلىنان كەل­دىم. بۇگىن بۇرىن ەرتەگىلەردەن وقىپ, تەلەديدار­دان عانا كورەتىن اق­شاقاردىڭ ۇيىقتايتىن بولمەسىن كوردىم. ال اياز اتا ويىنشىق سىيلادى, – دەيدى ۆلاديسلاۆ ەسىمدى ءبۇلدىرشىن. دۋمان اناش, «ەگەمەن قازاقستان» شىعىس قازاقستان وبلىسى