اتقارىلعان ىستەر اۋقىمدى

كەشە پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى قۋانىش سۇلتانوۆ جاپونيا پارلامەنتى كەڭەسشىلەر پالاتاسىنىڭ دەپۋتاتى ماساحيس ساتو باستاعان دەلەگاتسيامەن كەزدەستى, دەپ حابارلادى پارلامەنت سەناتىنىڭ ءباسپاسوز قىزمەتى. كەزدەسۋدە قازاقستان مەن جا­پو­نيا­نىڭ ەكىجاقتى, ونىڭ ىشىندە پار­لامەنت­ارالىق ­ۇنقاتىسۋ دەڭ­گەيىندەگى قاتىناس­تارىن ودان ءارى دامىتۋ ماسەلەلەرى بويىنشا پىكىر الماسىلدى. ق.سۇلتانوۆ تاياۋداعى جەر سىلكىنىسى مەن تسۋنامي سالدارىنان مىڭداعان ادامدار قازا بولۋىنا جانە فۋكۋسيما-1 اتوم ەلەكتر ستانساسىنداعى تەحنوگەندىك اپات­قا بايلانىستى كوڭىل ايتتى. پارلامەنتارالىق ىنتى­ماق­تاس­تىق­تىڭ ەكىجاقتى ءىس-قيمىلدىڭ ماڭىز­دى قۇرامدا­سى ەكەنىن ايتا كەلىپ, تاراپتار ەكى مەملەكەتتىڭ زاڭ شىعارۋ ورگاندارى ارا­سىن­داعى بايلانىستاردى بەلسەندىلەندىرۋ تۋرالى ويلارىن ورتاعا سالدى. جاپونيا پارلامەنتىندەگى دوس­تىق ليگاسىنىڭ قازاقستانعا قاتىستى اتقارعان ىستەرىن جوعارى باعالاي كەلىپ, ق.سۇلتانوۆ سەناتتا جاپونيا پارلامەنتى كەڭەس­شى­لەر پالاتاسىمەن ىنتىماقتاستىق توبى جۇمىس ىستەيتىنىن اتاپ كور­سەتتى. «جاپون ارىپتەس­تەر­دىڭ زاڭ شىعارۋ سالاسىنداعى تاجىريبەسى بىزگە زور ىقىلاس تۋ­عىزادى», – دەدى سەناتور. تەحنوگەندىك اپات كەزىندە زارداپ شەككەن جاپون حالقىنا كومەك بەرگەنى ءۇشىن قازاقستاندىق تا­راپ­قا  العىس ايتا كەلىپ, م.ساتو «قا­زاق­ستان مەن جاپونيانىڭ ەكىجاق­تى قاتىناستا­رىن تابىستى دامى­تۋ ءۇشىن قاجەت جاع­دايدىڭ ءبارى دە بار», دەپ اتاپ ءوتتى.