شقو-دا بيىل 5 وندىرىستىك نىسان اشىلدى

شىعىس قازاقستان وبلىسىندا 2016 جىلى 5 ونەركاسىپتىك نىسان سالىندى, دەپ حابارلادى ءوڭىردىڭ ستاتيستيكا دەپارتامەنتى. «شىعىس قازاقستان وبلىسى, بۇرىنعىسىنشا, ەلىمىزدىڭ قارقىندى دامىپ كەلە جاتقان ءوڭىرى بولىپ تابىلادى. جاڭا نىسانداردىڭ قۇرىلىسى ءجۇرىپ جاتىر, ولاردى ءار ءتۇرلى الەۋمەتتىك-ەكونوميكالىق سالالاردا پايدالانۋعا ەنگىزۋ جۇزەگە اسىرىلۋدا», - دەلىنگەن حابارلامادا. 2016 جىلعى قاڭتار – قاراشا ارالىعىنداعى كەزەڭدە تۇرعىن ءۇي ماقساتىنداعى ەمەس 151 نىساننىڭ قۇرىلىسى اياقتالدى. وبلىستا 5 ونەركاسىپتىك, 33 ساۋدا, 3 مادەني-ويىن-ساۋىق ماقساتىنداعى نىسان, 41 قوناق ءۇي, مەيرامحانا جانە ۇقساس نىساندار سالىندى. بۇدان بولەك, 9 وقۋ ورنى, 4 كەڭسە, 7 كولىك, بايلانىس جانە كوممۋنيكاتسيالار نىسانى, 6 رەزەرۆۋارلار مەن قويما, 29 اۋىل شارۋاشىلىعى ماقساتىنداعى نىساننىڭ, 14 باسقا نىساننىڭ قۇرىلىسى اياقتالدى. سونداي-اق تۇرعىن ءۇي قورىن تولىقتىرۋ ءجۇرىپ جاتىر. 2016 جىلعى 11 اي ىشىندە 2785 پاتەر پايدالانۋعا ەنگىزىلگەن, بۇل وتكەن جىلدىڭ ۇقساس كەزەڭىمەن سالىستىرعاندا 10,4%-عا ارتىق. پايدالانۋعا بەرىلگەن تۇرعىن ءۇيدىڭ جالپى اۋدانى 265 094 شارشى مەتردى قۇرادى.