العا ۇمتىلعان اۋىل

نوعايباي – كۇرە جولدان شالعايدا جاتقان قازاق ەلدى مەكەندەرىنىڭ ءبىرى. بەرەكە-بىرلىگى سۇتتەي ۇيىعان اۋىل جۇمىسپەن تۇگەلگە جۋىق قامتاماسىز ەتىلگەن دەسە دە بولادى. جىلدىڭ ءتورت ماۋ­سىمىندا جول قاتىناسى ۇزىلمەيدى. جاس تا بولسا باس بولا بىلگەن «نوعايباي» جاۋاپكەرشىلىگى شەكتەۋلى سەرىكتەستىگىنىڭ ديرەكتورى, وبلىستىق ءماسليحاتتىڭ دەپۋتاتى التىنبەك ساپاروۆ اۋىلداستارىنىڭ تۇرمىس-تىرشىلىگى جاقسارۋىنا ۇنەمى كوڭىل ءبولۋدى ازاماتتىق پارىزى سانايدى. كوشەلەر اسفالتالىپ, ەلەكتر شامدارى ورناتىلعان. ءار ۇيگە ساپالى اۋىز سۋ جەتكىزىلگەن. فۋتبول الاڭى جاسالعان. سەرىكتەستىك استىق, ءتورت ت ۇلىك مال ءوسىرىپ, تابىستان تۇسكەن قارجىنىڭ ءبىر بولىگىن اۋىلدى اباتتاندىرۋعا, از قامتىلعان وتباسىلار مەن قارتتارعا كومەكتەسۋگە ءبولىپ وتىرادى. قيىن جىلدارى شاڭىراعى شايقالماعان ەلدى مەكەنگە جاڭا تەحنيكالار اكەلىنىپ, ماشينا-تراكتور پاركى تولىق جاڭالانعان. جاقىندا وسىندا سەرىكتەس­تىك بولگەن قارجىعا كوپ بەيىندى دەمالىس ورتالىعى بوي كوتەردى. ونىڭ اشىلۋ سالتاناتىنا وبلىس اكىمى ەرىك سۇلتانوۆ قاتىسىپ, كىتاپتار جيىنتىعىن تارتۋ ەتتى. الەۋمەت­تىك نىساندا مادەني ءىس-شارا­لار وتكىزۋگە بار­لىق جاعداي جاسالعان. عالام­تورعا قوسىل­عان كومپيۋتەر­مەن جاب­دىق­تالعان كىتاپ­حانا, شەتتەن كەلگەن جولاۋشىلار مەن مەيماندار ءۇشىن جايلى نومىرلەر جۇمىس ىستەيدى. ءومىر ەسقالي, «ەگەمەن قازاقستان» سولتۇستىك قازاقستان وبلىسى سۋرەتتى تۇسىرگەن  تالعات تانىباەۆ