استانا كوشەلەرىن تازالۋ ءۇشىن كوممۋنالدىق تەحنيكالار ساتىپ الىندى

استانانىڭ كوشەلەرىن تازالاۋ ءۇشىن زاماناۋي كوممۋنالدىق تەحنيكا ساتىپ الىندى, دەپ حابارلادى ەلوردا اكىمدىگى. كوپ ۇزاماي جاڭا تەحنيكا قالانى تازارتۋ جۇمىستارىنا شىعارىلادى. اتاپ ايتقاندا, كوشەلەر مەن ماگيسترالداردىڭ جۇرەتىن بولىگىندەگى قاردى تازالاۋ ءۇشىن ءتورت قار تازارتۋشى فرونتالدى تيەگىش ساتىپ الىندى. وندا بارلىق كورسەتكىشتەرىن كورسەتىپ تۇراتىن سۇيىق كريستالدى ديسپلەي بار. سونىمەن قاتار, 12 كوممۋنالدىق شاعىن تراكتور دا الىندى. ول ءتيىستى جۇمىستاردى ورىنداۋ بارىسىندا جول جابىنىن بۇزۋعا جول بەرمەيدى. بۇدان باسقا, كوممۋنالدىق قىزمەتتەردىڭ تەحنيكاسى بارلىق ماۋسىمدا قولدانىلاتىن 2 مەحانيكالىق سىپىرعىش ماشينالارمەن تولىقتى. بۇل ماشينا كوشەلەردى سىپىرۋ كەزىندە سۋدى قاجەت ەتپەيدى. ناتيجەسىندە, كوكتەمدە كوشە تازالاۋعا جۇمسالاتىن ۋاقىت پەن شىعىن ايتارلىقتاي قىسقارادى. «ۆوتەرلەس پەليكان» تەحنيكاسى دا بىرەگەي مۇمكىندىكتەرگە يە. ول جولداردا ءبىراز ۋاقىتتان بەرى جاتقان قۇمدى, تۇزدى, مۇزدى, قوقىستى جينايدى. سونداي-اق, قۇرامداستىرىلعان ارناجۋعىش ماشينا دا ساتىپ الىندى, 10 كولىكتىڭ سۋارۋ-جۋ جيىنتىعىندا سوقا مەن ششەتكا قوندىرعىسى بار, سونداي-اق سوقا, ششەتكا جانە ۇلەستىرۋ قۇرالى بار 12 ماشينا ەلوردا كوشەلەرىن تازالاۋعا شىعارىلتىن بولادى