شىلدەدەن باستاپ ەڭ از زەينەتاقى 45 711 تەڭگە بولادى

قر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا بالا تۋىنا بايلانىستى بەرىلەتىن جاردەماقى مەن زەينەتاقى مولشەرىنىڭ 2017 جىلى ارتۋى تۋرالى ناقتى تۇسىندىرمە بەردى, دەپ حابارلايدى اتالعان ۆەدومستۆونىڭ ءباسپاسوز قىزمەتى. قر ءدسادم باسشىسى قر قارجى مينيسترلىگىمەن بىرلەسىپ جۇرگىزىلگەن ەسەپتى ەسكەرە وتىرىپ, 2017 جىلعى 1 شىلدەدەن باستاپ بازالىق جانە ىنتىماقتى زەينەتاقى مولشەرىنىڭ 20%-عا وسەتىنىن حابارلادى. «2017-2019 جىلدارعا ارنالعان بيۋدجەتكە سايكەس, ىنتىماقتى زەينەتاقىنىڭ مولشەرى 2017 جىلعى 1 قاڭتاردان باستاپ 9%-عا, مەملەكەت باسشىسىنىڭ تاپسىرماسىن ورىنداۋ ماقساتىندا 2017 جىلدىڭ 1 شىلدەسىنەن تاعى دا 11%-عا ۇلعايتىلادى. ماسەلەن, ەگەر ىنتىماقتى زەينەتاقى مولشەرى 2016 جىلى 40 000 تەڭگە بولسا, 2017 جىلدىڭ 1 قاڭتارىنان باستاپ 9%-عا ارتتىرىلىپ, 43 600 تەڭگەنى قۇرايتىن بولادى. 2017 جىلدىڭ 1 شىلدەسىنەن باستاپ تاعى 11%-عا ۇلعايتىلىپ, جالپى مولشەرى 48 396 تەڭگە بولادى. وسىلايشا, 2017 جىلى ىنتىماقتى زەينەتاقى مولشەرى 2016 جىلمەن سالىستىرعاندا 20%-عا ۇلعايتىلماق. بازالىق زەينەتاقى 2017 جىلعى 1 قاڭتاردان 7%-عا, مەملەكەت باسشىسىنىڭ تاپسىرماسىن ورىنداۋ ماقساتىندا 2017 جىلدىڭ 1 شىلدەسىنەن تاعى دا 13%-عا ۇلعايتىلادى. ماسەلەن, اعىمداعى جىلى ەگەر بازالىق زەينەتاقى مولشەرى 11 965 تەڭگە بولسا, 2017 جىلدىڭ 1 قاڭتارىنان باستاپ 7%-عا ارتتىرىلىپ, 12 802 تەڭگەنى قۇرايتىن بولادى. 2017 جىلدىڭ 1 شىلدەسىنەن باستاپ تاعى 13%-عا ۇلعايتىلىپ, جالپى مولشەرى 14 466 تەڭگە بولادى. وسىلايشا, 2017 جىلى بازالىق زەينەتاقى مولشەرى 2016 جىلمەن سالىستىرعاندا 20%-عا ارتتىرىلادى», - دەپ حابارلادى تامارا دۇيسەنوۆا. سونىمەن قاتار, مينيستر 2,1 ملن-عا جۋىق زەينەتكەردىڭ زەينەتاقىسىن ارتتىرۋ ماقساتىندا رەسپۋبليكالىق بيۋدجەتتەن قوسىمشا 79,8 ملرد. تەڭگە بولىنەتىنىن اتاپ ايتتى. جوعارىدا اتالعان وزگەرىستەردى ەسكەرە وتىرىپ, زەينەتاقىنىڭ ەڭ تومەنگى مولشەرى (بازالىق زەينەتاقىنى ەسەپتەگەندە) 2016 جىلعى 37 789 تەڭگەدەن 2017 جىلعى 1 شىلدەدە 45 711 تەڭگەگە ارتادى. زەينەتاقىنىڭ ورتاشا مولشەرى (بازالىق زەينەتاقىنى ەسەپتەگەندە) 55 154 تەڭگەدەن 66 721 تەڭگەگە دەيىن ۇلعايادى. بالا تۋىنا بايلانىستى بەرiلەتiن بiر جولعى مەملەكەتتىك جاردەماقى مولشەرى 2017 جىلعى 1 قاڭتاردان 7%-عا, ال 2017 جىلعى 1 شىلدەدەن تاعى 20%-عا ارتتىرىلادى. ناتيجەسىندە 2017 جىلى 2016 جىلمەن سالىستىرعاندا ءوسىم 27%-دى قۇرايتىن بولادى. «ەگەر اعىمداعى جىلى ءبىرىنشى, ەكىنشى, ءۇشىنشى بالانىڭ تۋىنا بايلانىستى بەرiلەتiن بiر جولعى مەملەكەتتىك جاردەماقى مولشەرى 66 621 تەڭگە بولسا,  2017 جىلعى 1 قاڭتاردا 71 270 تەڭگە بولىپ, 1 شىلدەدە 86 222 تەڭگەگە دەيىن ارتپاق. اعىمداعى جىلى ءتورتىنشى بالانىڭ تۋىنا بايلانىستى بەرiلەتiن بiر جولعى مەملەكەتتىك جاردەماقى مولشەرى 111 035 تەڭگە بولسا, 2017 جىلعى 1 قاڭتاردا 118 مىڭ تەڭگە بولىپ, 1 شىلدەدە 142 947  تەڭگەنى قۇراماق», - دەپ ءتۇسىندىردى تامارا دۇيسەنوۆا. وسى ماقساتتارعا رەسپۋبليكالىق بيۋدجەتتەن كەلەسى جىلى قوسىمشا 1,8 ملرد. تەڭگە بولىنەدى. جالپى العاندا, جوعارىدا اتالعان زەينەتاقى مەن جاردەماقى مولشەرلەرىنىڭ ارتۋىنا رەسپۋبليكالىق بيۋدجەتتى ناقتىلاۋ كەزىندە قوسىمشا 81,6 ملرد. تەڭگە قاراستىرىلماق. ەستەرىڭىزگە سالا كەتەيىك, اعىمداعى جىلعى 15 جەلتوقساندا قر تاۋەلسىزدىگىنىڭ 25-جىلدىعىنا ارنالعان سالتاناتتى شارادا مەملەكەت باسشىسى 2017 جىلدىڭ 1 شىلدەسىنەن زەينەتاقىنىڭ بارلىق مولشەرىن 2016 جىلمەن سالىستىرعاندا 20%-عا, بالانىڭ تۋىنا بايلانىستى بەرiلەتiن بiر جولعى جاردەماقى مولشەرىن 20%-عا ارتتىرۋدى تاپسىرعان بولاتىن.