وڭتۇستىك قازاقستاندا 200 بالا پرەزيدەنت سىيلىعىن الدى

وڭتۇستىك قازاقستان وبلىسىندا «ەحرو-نىڭ جاڭا جىلدىق الاۋى» قازاقستان  پرەزيدەنتىنىڭ جاڭا جىلدىق شىرشاسى ءوتتى. مەرەكەلىك شاراعا قاتىسقان وبلىس اكىمى جانسەيىت تۇيمەباەۆ بالالاردى مەرەكەمەن قۇتتىقتاپ, ەلباسىنىڭ اتىنان 200 بالاعا پلانشەت پەن جىلى سىرت كيىمدەر تابىستادى, دەپ حابارلايدى وبلىس اكىمدىگىنىڭ ءباسپاسوز قىزمەتى. «جاڭا جىل – بۇل ءبارىمىز ءۇشىن ەرەكشە مەرەكە. مۇنداي ۇمىتىلماس ساتتەردە ءبىز وتكەن جىلعا العىس ايتىپ, بولاشاققا جاقسى جوسپارلار قۇرىپ, قيالعا ەرىك بەرەمىز. سەندەر ءبىر جاسقا ەسەيدىڭدەر. سانالارىڭ ءوسىپ, بىلىمدەرىڭ تەرەڭدەدى. ۇلكەن ومىرگە قانات قاعىپ كەلەسىڭدەر. بۇگىندە سەندەر كۇتكەن جىلدان ەڭ قىمبات تىلەكتەرىڭدى تىلەيسىڭدەر. جاقسىلىققا سەنىڭىزدەر. ەشۋاقىتتا ارماڭدارىڭىز الداماسىن. ادامدار شىن تىلەپ, سول ءۇشىن تالماي ىزدەنسە, ءبىلىم السا ارمانى ورىندالادى. سەندەر دە العا قويعان ماقساتتارىڭا جەتۋ ءۇشىن تالپىنىڭدار», – دەدى ايماق باسشىسى. جاڭا جىلدىق شىرشاعا قاتىسقان بالالارعا تەلەەكران ارقىلى مەملەكەت باسشىسىنىڭ ارنايى قۇتتىقتاۋى كورسەتىلىپ, «بالالاردى عىلىمدى ءبىلىپ تانۋعا جەتەلەيىك» كىتابى مەن ءتۇرلى تاتتىلەر ۇلەستىرىلدى. ەكسپو-2017 جاڭا جىلدىق الاۋىمەن باستالعان شىرشا مەرەكەسى تەاترلاندىرىلعان قويىلىممەن جالعاستى.