يلين بالالار ءۇيىنىڭ تاربيەلەنۋشىسىنە كومەك بەردى

بەلگىلى قازاقستاندىق سپورتشى يليا يلين استانا قالاسىنداعى بالالار ءۇيىنىڭ تاربيەلەنۋشىسى ۆلاديمير ميگۋنوۆقا ءبىلىم بەرۋ دەپوزيتىن اشتى. بۇل تۋرالى vesti.kz حابارلادى. ءيليننىڭ ايتۋىنشا, مۇنداي يگى ءىس ونى ەرەكشە سەزىمگە بولەپ وتىر ءارى الداعى ۋاقىتتا 13 جاستاعى بالامەن تىعىز قارىم-قاتىناستا بولادى. «ارىپتەستەرىمنىڭ مۇنداي ءىستى باستاعانىن ەستىپ, قۋانا-قۋانا قاتىسىپ وتىرمىن. نە سەبەپتى؟ بىرىنشىدەن, جاستارعا قولداۋ كورسەتۋ كەرەك. اسىرەسە, الدىنا ماقسات قويىپ, بيىككە ۇمتىلعىسى كەلەتىن بۇلدىرشىندەرگە ماتەريالدىق جاعىنان كومەك بەرۋىمىز قاجەت. ۆلاديميرمەن تانىسىپ, كىشكەنە دە بولسىن قول ۇشىمدى بەرۋدى ءجون كوردىم. بالاقايعا قاراپ-اق بولاشاعى زور ەكەنىن بايقاۋعا بولادى», – دەدى يلين. اعالىق سەزىمگە بولەنگەن سپورتشى ۆلاديميرگە الداعى ۋاقىتتا دا كومەك كورسەتەتىنىن جاسىرمادى. «الەمگە ايگىلى باسكەتبولشىلاردىڭ ءبىرى بولىپ, وتانىما قىزمەت ەتۋدى ارماندايمىن. يليا يلينمەن جاقىن تانىسقانىما قۋانىشتىمىن. سپورت پەن ساباعىمدى قاتار الىپ ءجۇرۋ ماعان ەش كەدەرگى كەلتىرمەيدى», – دەدى ءبۇلدىرشىن. «الدىڭدا سىناققا تولى ءومىر كۇتىپ تۇر. سپورتشى بولۋ ءۇشىن كۇن-ءتۇن تالماي جاتتىعۋىڭ كەرەك. شەت تىلدەرىن كوبىرەك مەڭگەر. ساعان ومىرلىك تاجىريبەممەن ءجيى ءبولىسىپ تۇرامىن», – دەدى يلين. ايتا كەتەيىك, دەپوزيتتىڭ العاشقى تولەمى 50 مىڭ تەڭگەنى قۇرادى. بۇعان دەيىن وسى اكتسياعا ريو وليمپياداسىنىڭ كۇمىس جۇلدەگەرى ۆاسيلي لەۆيت قاتىسىپ, التىنبەك باعىبەرگەنوۆتىڭ اتىنا دەپوزيت اشقان.