دەپۋتاتتار وڭىرلەردە «نۇرلى جەر» باعدارلاماسىن تۇسىندىرەدى

قازاقستان ۇكىمەتى «نۇرلى جەر» باعدارلاماسىن جانە ءونىمدى جۇمىسپەن قامتۋدى جانە بۇقارالىق كاسىپكەرلىكتى دامىتۋ باعدارلاماسىن بەكىتتى, دەپ حابارلادى قر پارلامەنتى ءماجىلىسىنىڭ دەپۋتاتى گۇلميرا يسيمباەۆا پارلامەنت ماجىلىسىندە «نۇر وتان» پارتياسى فراكتسياسىنىڭ كەڭەيتىلگەن جينالىسىندا. «مەملەكەت باسشىسى ءونىمدى جۇمىسپەن قامتۋدى جانە بۇقارالىق كاسىپكەرلىكتى دامىتۋ باعدارلاماسىن, سونداي-اق «نۇرلى جەر» باعدارلاماسىن ازىرلەۋ تۋرالى تاپسىرما بەردى. قاجەتتى قارجىلىق قامتاماسىز ەتۋ بار, بيۋدجەتتە قاراجات قاراستىرىلدى, باعدارلامالار ازىرلەندى. 23 جەلتوقساندا ۇكىمەت ءوز وتىرىسىندا بەكىتتى», - دەدى گ. يسيمباەۆا. فراكتسيا وتىرىسىنا قۇجاتتاردىڭ ءمانىن ءتۇسىندىرۋ ءۇشىن قر ۇلتتىق ەكونوميكا مينيسترلىگى مەن دەنساۋلىق ساقتاۋ جانە الەۋمەتتىك دامۋ مينيسترلىگىنىڭ وكىلدەرى قاتىستى. «ءبىز بۇگىن دەپۋتاتتارعا وسى باعدارلامالاردىڭ ءمانى تۋرالى ءتۇسىندىرۋ ءۇشىن ەكى مينيسترلىكتى دە شاقىرىپ وتىرمىز, سەبەبى ولاردىڭ ەكەۋى دە حالىق ءۇشىن اسا ماڭىزدى, تۇرعىن ءۇيدى قامتاماسىز ەتۋمەن جانە جۇمىس ورىندارىن ۇسىنۋمەن بايلانىستى. جانە ءبىز 4 قاڭتاردان باستاپ وڭىرلەرگە شىعامىز, وسى باعدارلامالار بويىنشا اقپارات ءبىز ءۇشىن دە, ءبىزدى سايلاۋشىلار ءۇشىن دە پايدالى بولادى دەپ سەنەمىز», - دەپ قوستى گ. يسيمباەۆا.