استانادا 5 مىڭ ادام جۇمىسقا ورنالاستىرىلدى

قالالىق ءماسليحاتتا قوعامدىق تىڭداۋ ءوتىپ, وندا «جۇمىسپەن قامتۋ جول كارتاسى - 2020» باعدارلاماسى شەڭبەرىندە ەلوردادا جۇمىسسىزدىق دەڭگەيىن تومەندەتۋ بويىنشا جۇمىستىڭ ناتيجەلەرى قارالدى. وسى جىلى باعدارلامانى ىسكە اسىرۋ قورىتىندىلارىن قالالىق جۇمىسپەن قامتۋ, ەڭبەك جانە الەۋمەتتىك قورعاۋ باسقارماسى باسشىسىنىڭ مىندەتتەرىن اتقارۋشى ارتەم ءابىلدينوۆ باياندادى. ونىڭ ايتۋىنشا, 2016 جىلى «جۇمىسپەن قامتۋ جول كارتاسى - 2020» باعدارلاماسى ەكى باعىت بويىنشا ىسكە اسىرىلۋدا: «ينفراقۇرىلىمدى جانە تۇرعىن ءۇي-كوممۋنالدىق شارۋاشىلىقتى دامىتۋ ەسەبىنەن جۇمىسپەن قامتۋ» جانە «وقىتۋ ارقىلى جۇمىسقا ورنالاسۋعا كومەكتەسۋ جانە جۇمىس بەرۋشىنىڭ قاجەتتىلىكتەرى شەڭبەرىندە كوشىرۋ». «باعدارلامانى قارجىلاندىرۋ كولەمى 3 ملرد 559,1 ملن تەڭگەنى قۇرايدى. سونىڭ ىشىندە, رەسپۋبليكالىق بيۋدجەت ەسەبىنەن – 3 ملرد 46,7 ملن تەڭگە جانە جەرگىلىكتى بيۋدجەتتەن – 512,4 ملن تەڭگە. يگەرۋ – 95%», – دەدى ا. ءابىلدينوۆ. قالالىق جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىنىڭ مالىمەتتەرىنە سايكەس, 2016 جىلدىڭ 1 جەلتوقسانىنداعى جاعداي بويىنشا باعدارلامانىڭ 4926 قاتىسۋشىسى جۇمىسقا ورنالاستىرىلدى, سونىڭ ىشىندە 3554-ءى  تۇراقتى جۇمىسقا, 661-ءى  جاستار تاجىريبەسىنە, ينفراقۇرىلىمدىق جوبالار شەڭبەرىندە - 590, الەۋمەتتىك جۇمىس ورىندارىنا 121 ادام ورنالاستىرىلدى.