استانادا ءۇش مىڭنان استام وتباسىعا كومەك كورسەتىلدى

ەلوردادا «استانا – مەيىرىمدى قالا» قايىرىمدىلىق اكتسياسى اياسىندا كومەك كورسەتۋ جالعاسىپ جاتىر, دەپ حابارلادى استانا اكىمدىگى. «ەسىل» اۋدانى اكىمىنىڭ اپپاراتى 1 جەلتوقساننان بەرى اسىراۋشىسىنان ايىرىلۋ بويىنشا جاردەماقى الاتىن 800 ادامدى قامتىعان. ولار ءۇشىن ازىق-ت ۇلىك جيناقتارى دايىندالدى. اكتسيا وتەتىن ۋاقىتتا از قامتىلعان, كوپ بالالى وتباسىلار قاتارىنان تاعى 30 ادامعا اۋدانداعى ۇيىمدار قايىرىمدىلىق كومەك كورسەتتى. «الماتى» اۋدانى اكىمدىگىنىڭ مالىمەتىنشە, «استانا - مەيىرىمدى قالا» اكتسياسى شەڭبەرىندە ساياسي قۋعىن-سۇرگىن قۇرباندارىنا كومەك كورسەتىلدى, بارلىعى 1000-عا جۋىق ادام قامتىلدى. شاراعا بيزنەس قوعامداستىق, اۋدانداعى 35 جالپى ءبىلىم بەرۋشى مەكتەپ جانە مەردىگەر ۇيىمدار قاتىستى. «سارىارقا» اۋدانى بويىنشا 1350 وتباسىعا كومەك كورسەتىلدى. سونىڭ ىشىندە 10 وتباسىعا  قاتتى وتىن, 10 وتباسىعا – قۇرىلىس ماتەريالدارى, 1320 ادامعا ازىق-ت ۇلىك ونىمدەرى جەتكىزىلدى. ايتا كەتەيىك, ەلوردا اكىمدىگى باستاۋىمەن «استانا – مەيىرىمدى قالا» اكتسياسى جەلتوقسان ايىنىڭ باسىندا باستالىپ, 31-ءشى جەلتوقساندا اياقتالادى.