بۇگىن, 26 جەلتوقساندا e-gov.kz سايتىندا قيك (قازاقستاننىڭ يپوتەكالىق كومپانياسى) باعىتى بويىنشا 2020 جىلعا دەيىنگى وڭىرلەردى دامىتۋ باعدارلاماسى اياسىندا تۇرعىن ءۇي الۋعا وتىنىشتەر قابىلدانا باستادى. وتىنىشتەر 30 جەلتوقسانعا دەيىن جالعاسادى, دەپ حابارلايدى krisha.kz.
ساتىلاتىن ۇيلەردىڭ ۇزىن سانى 1 748. ولار الماتى قالاسى الاتاۋ اۋدانى "العاباس" شاعىن اۋدانىنداعى اتلەتيكالىق اۋىلدا. سونىڭ ىشىندە:
— 996 ءبىر بولمەلى پاتەر (40-45 شارشى مەتر);
— 560 ەكى بولمەلى پاتەر (50-56 شارشى مەتر);
— 192 ءۇش بولمەلى پاتەر (63-89 شارشى مەتر).
پاتەرلەر 2017 جىلعى ۋنيۆەرسيادا اياقتالعاننان كەيىن بەرىلەدى.
پاتەردىڭ شارشى مەترىنىڭ قۇنى 1 036 تەڭگەنى قۇرايدى. ەڭ ۇزاق مەرزىم 20 جىل بولسا, 5 جىلدان كەيىن ءۇيدى تولىقتاي ساتىپ الۋعا بولادى.
پۋلعا مەملەكەتتىك تۇرعىن ءۇي قورىندا كەزەكتە تۇرعاندار, سونىڭ ىشىندە:
- كوپبالالى وتباسىلار;
- ەرلى-زايىپتىلاردىڭ ءبىرى بولماسا;
- مۇگەدەك بالالار تاربيەلەپ وتىرعان وتباسىلار;
- جەتىمدەر مەن اتا-انا قامقورىنسىز قالعاندار;
- ورالماندار;
- مەملەكەتتىك قىزمەتكەرلەر, اسكەري قىزمەتكەرلەر, ارنايى مەملەكەتتىك ورگان قىزمەتكەرلەرى, بيۋدجەتتىك ۇيىم قىزمەتكەرلەرى;
- I جانە II توپ مۇگەدەكتەرى.
