9-11 سىنىپ وقۋشىلارىنا كاسىپتىك باعدارلاۋ جۇمىستارى جۇرگىزىلۋدە

استانا قالاسىنىڭ حالىقتى جۇمىسپەن قامتۋ ورتالىعىنىڭ قىزمەتكەرلەرى №2 عافۋ قايىربەكوۆ اتىنداعى مەكتەپ-گيمنازياسىنىڭ 9-11 سىنىپ وقۋشىلارى اراسىندا كاسىپتىك باعدارلاۋ جۇمىستارىن جۇرگىزدى, دەپ حابارلايدى ەلوردا اكىمدىگى. كەزدەسۋدىڭ ماقساتى - ەڭ قاجەتتى ماماندىقتار جايلى ايتىپ بەرۋ جانە وقۋشىلارعا بولاشاق ماماندىقتى دۇرىس تاڭداۋعا كومەك كورسەتۋ. ءدال وسى كۇنى وقۋشىلار پيلوتتىق رەجيمدە كاسىپتىك باعدارلاۋ تەستىن ءوتتى. «بولاشاقتا جۇمىسسىزدار قاتارىندا بولىپ قالماس ءۇشىن قازىردەن باستاپ بولاشاق ماماندىقتى تاڭداۋدا بارلىق جاۋاپكەرشىلىكپەن جانە اسىعىستىق تانىتپاي مۇقيات كىرىسۋ كەرەك. بۇگىنگى كۇندە بىزدە استانا قالاسىندا جوعارى تەحنولوگيا سالاسىنداعى, ينجەنەرياداعى, ماماندار, الەۋمەتىك سالادا. اتاپ ايتقاندا دەنساۋلىق ساقتاۋ, ءبىلىم بەرۋ سياقتى سالالاردا جانە دە قىزمەت كورسەتۋ سالاسىندا بىلىكتى جانە ءبىلىمدى ماماندار وتە قاجەت»,- دەدى حالىقتى جۇمىسپەن قامتۋ ورتالىعىنىڭ ديرەكتورى ولجاس ومار. وسىعان ۇقساس جۇمىستاردى كەلەسى جىلى استانا قالاسىنىڭ بارلىق جالپى ءبىلىم بەرۋ مەكەمەلەرىنىڭ تۇلەكتەرى اراسىندا وتكىزۋ جوسپارلانۋدا.