26 جەلتوقسان كۇنى وقۋشىلار سارايىندا قازاقستان رەسپۋبليكاسى پرەزيدەنتى ن.ءا.نازارباەۆتىڭ اتىنان جاڭا جىلدىق شىرشا ءوتتى. شاراعا استانا قالاسىنىڭ اكىمى اسەت يسەكەشەۆ قاتىستى. جاڭا جىلدىق شارانىڭ تاقىرىبى "ەحرو جاڭا جىلدىق الاۋى".
ءىس-شاراعا 200 بالا قاتىستى. ونىڭ ىشىندە 28 - جەتىم, 79 - اتا-انالارىنىڭ قامقورلىعىنسىز قالعان, 14 - مۇمكىندىگى شەكتەۋلى, 55 - از قامتىلعان جانە كوپ بالالى وتباسىنان شىققان, 24 - دارىندى بالا. قاتىسۋشىلاردىڭ جاسى 9 - دان 13 جاسقا دەيىنگى ارالىقتى قامتيدى.
مەرەكەلىك باعدارلاما اياسىندا مەكتەپ وقۋشىلارىنىڭ تەحنيكالىق شىعارماشىلىق كورمەسى, ەرتەگى الەمىندەگى كەيىپكەرلەردىڭ قاتىسۋىمەن شوۋ-قويىلىمدار, جاڭاجىلدىق سىيلىقتار, ءتاتتى ۇستەل ۇيىمداستىرىلدى. شارا بارىسىندا قازاقستان رەسپۋبليكاسى پرەزيدەنتى نۇرسۇلتان نازارباەۆتىڭ ۆيدەوقۇتتىقتاۋى كورسەتىلدى.
"دالادا قىس. بىراق ءۇي ىشىندە جىلۋلىق بار. قالالار مەن اۋىلدار جاڭا جىلدىق شىرشالارمەن بەزەندىرىلگەن. ولاردىڭ تۇبىنەن بالالار سىيلىق ىزدەيتىن بولادى. وسى كۇندە عانا ەمەس, باسقا كۇندەرى دە سەندەردىڭ ءبىر-بىرلەرىڭە كومەكتەسىپ, قولداۋ كورسەتكەندەرىڭ ماڭىزدى", دەدى پرەزيدەنت.
"جاڭا جىل - عاجايىپتار مەن سيقىرلار ۋاقىتى. ءبىز ۇلكەن بولساق تا, عاجايىپقا سەنەمىز. ەڭبەك پەن بىرلىك, وتانعا دەگەن سۇيىسپەنشىلىك كەز كەلگەن ارماندارىڭدى ورىنداۋعا سەپتىگىن تيگىزەدى. سەندەر وسى مەرەكەگە لايىقسىڭدار", - دەدى نۇرسۇلتان نازارباەۆ.
راۋان قايداروۆ, "ەگەمەن قازاقستان".
سۋرەتتەردى تۇسىرگەن ەرلان وماروۆ
