ورال قالاسىنىڭ بيۋدجەتى بەكىتىلدى

ورال قالالىق ءماسليحاتىنىڭ كەزەكتى ءىح سەسسياسىندا شاھاردىڭ 2017-2019 جىلدارعا ارنالعان بيۋدجەتى بەكىتىلدى, دەپ حابارلايدى قازاقپارات. قالالىق ەكونوميكا جانە بيۋدجەتتىك جوسپارلاۋ ءبولىمىنىڭ باسشىسى بيبىگۇل نيەتقاليەۆانىڭ ءمالىم ەتكەنىندەي, 2017 جىلعا 21 ملرد 887,584 ملن تەڭگە, 2018 جىلعا 20 ملرد 776,991 ملن تەڭگە, 2019 جىلعا 21 ملرد 355,237 ملن تەڭگە قارالدى. الداعى جىل ەنشىسىندەگى قارجىنىڭ 2 408,9 ملن تەڭگەسى رەسپۋبليكالىق جانە وبلىستىق ترانسفەرتتەر بولسا, 19 478,7 ملن تەڭگەسى - قالالىق بيۋدجەتتىڭ ءوز كىرىسى. وسىنىڭ 3 ملرد 49,153 ملن تەڭگەسى ەڭبەكاقى تولەۋ جۇيەسىنىڭ جاڭا ۇلگىسى بويىنشا جالاقى تولەۋگە جانە اي سايىنعى ۇستەمەاقى تولەمىنە, سونداي-اق مەملەكەتتىك اكىمشىلىك قىزمەتشىلەردىڭ ەڭبەكاقىسىن كوتەرۋگە باعىتتالماق. ءبىلىم سالاسىنا 10 ملرد 452 ملن تەڭگە, مادەنيەت جانە تىلدەردى دامىتۋ بولىمىنە 465 ملن تەڭگە, جۇمىسپەن قامتۋ جانە الەۋمەتتىك باعدارلامالار بولىمىنە 1,3 ملرد تەڭگە, دەنە شىنىقتىرۋ مەن سپورتقا 250 ملن تەڭگە, ىشكى ساياساتقا 52 ملن تەڭگە, قارجى بولىمىنە 502,9 ملن تەڭگە, مالدارىگەرلىك بولىمىنە 41,6 ملن تەڭگە جۇمسالماق. قۇرىلىس سالاسىنا 1,8 ملرد تەڭگە ءبولىنىپ, ول جاڭا ءۇش ءۇيدىڭ جوبالاۋ-سمەتالىق قۇجاتتاماسىن جاساۋعا, باسقا دا جۇمىستارعا كەتپەك. قالالىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى بولىمىنە دە قاجەتتى قارجى بەرىلىپ وتىر.