اقش-تىڭ جاڭا پرەزيدەنتى دونالد ترامپ رەسەي پرەزيدەنتى ۆلاديمير پۋتيننەن جاعىمدى حات العانى تۋرالى ايتتى, دەپ حابارلايدى BBC.
"پۋتيننەن حات العانىم مەن ءۇشىن قۋانىش. ول دۇرىس ويلايتىن ادام," - دەدى ترامپ 15 جەلتوقسانداعى جولداۋىندا.
ءپۋتيننىڭ ءباسپاسوز حاتشىسى دميتري پەسكوۆ تا كرەملدىڭ اق ۇيگە جاڭا جىلمەن قۇتتىقتاپ حات جازعانىن راستادى.
ەرتەرەكتە ترامپ قوس ەلدىڭ جارىسا قارۋلانۋىنان قورىقپايتىنىن ايتقان.
"ەكى ەل دە قارۋلارىن دامىتا بەرسىن. ءبىز ءبارىبىر وزىپ كەتەمىز," - دەگەن ەدى ترامپ.
سونىڭ ارتىنشا ول اقش-تىڭ يادرولىق الەۋەتىن كوتەرۋ كەرەكتىگىن ايتقان بولاتىن.
اق ءۇيدىڭ ءباسپاسوز حاتشىلىعى ترامپتىڭ بۇل مالىمدەمەسىنە تۇسىندىرمە بەرە وتىرىپ, اقش-تىڭ ەشقاشان دا بىرەۋدىڭ قارۋلانۋىن جاۋاپسىز قالدىرمايتىنىن ايتقان.
ۆلاديمير پۋتين بۇل تۇرعىدا ترامپتىڭ مالىمدەمەسىنە سىرتتاي جاۋاپ بەردى. كەشە جۋرناليستەرگە بەرگەن ءباسپاسوز كونفەرەنتسياسى بارىسىندا BBC جۋرناليسىنە اقش-تىڭ بۇل تۇرعىدا ەشقانداي دا جاڭاشا قادامعا بارىپ جاتپاعانىن ايتتى.
"ترامپ ءوزىنىڭ سايلاۋالدى باعدارلاماسىندا دا يادرولىق قارۋدى كوبەيتۋ كەرەكتىگىن ايتقان. مۇندا تۇرعان ەشقانداي جاڭالىق جوق. باياعىدان بەرى قوس ەلدە وسىنداي باسەكەلەستىك بار. بۇل قالىپتى نارسە", - دەگەن ەدى پۋتين.
