قوستانايدا ءوندىرىس تسەحىندا گاز باللونى جارىلدى

قوستانايداعى ءوندىرىس تسەحتارىنىڭ بىرىندە ءۇش گاز بالونى جارىلىپ, كەڭسەنىڭ قابىرعاسى قۇلاپ, ءورت شىقتى. سونىڭ سالدارىنان كۇزەتشى 2-3 ساتىداعى كۇيىك جاراقاتىن الدى. گاز باللونى جارىلعان قاي تسەح ەكەنىن توتەنشە جاعدايلار دەپارتامەنتى اشىپ دادەلدەگەن جوق. بۇل قوستانايدا العاش رەت بولىپ وتىرعان وقيعا ەمەس. كۇزدە وبلىس ورتالىعىنا جاقىن زاتوبول كەنتىندەگى جەكە ۇيدە جارىلعان گاز باللونىنان ءۇش ادام زارداپ شەگىپ, ونىڭ ىشىندە ەرلى-زايىپتىلار اۋىر كۇيىكتەن قايتىس بولعان ەدى. ال ولاردىڭ  ءىنىسى  ءالى كۇنگە دەيىن جاراقاتتان ەم الىپ ءجۇر. كەيىن توتەنشە جاعدايلار دەپارتامەنتىنىڭ ماماندارى انىقتاعانداي, باللوننان كەتكەن گاز وسىنداي قاسىرەتكە سوقتىرعان. توتەنشە جاعدايلار دەپارتامەنتىنىڭ ءباسپاسوز قىزمەتى تاراتقان ەسكەرتۋ پاراقشاسىندا گاز باللونىن تاسيتىن كاسىپكەرلەر دە, تۇتىنۋشىلار دا  ونىڭ قاۋىپسىزدىك ەرەجەلەرىنە ءمان بەرمەيتىنىن ايتقان. گاز باللونى  85 پايىزدان ارتپايتىنداي ەتىپ تولتىرىلۋى قاجەت. ىدىس تولتىرىلاردىڭ الدىندا  مۇقيات تەكسەرىلۋى كەرەك. بارلىق قاۋىپسىزدىك  ەرەجەلەرى ساقتالۋى ءۇشىن ارنايى  تولىققاندى گاز قۇيۋ ستانساسى بولۋى ءتيىس, بىراق جەكە قۇرىلىمداردىڭ كوبىندە ول جوق. ءنازيرا جارىمبەتوۆا, «ەگەمەن قازاقستان»