وقو تج دەپارتامەنتىنە جاڭا تەحنيكا بەرىلدى

بۇگىن وبلىستىق توتەنشە جاعدايلار دەپارتامەنتىنىڭ ءورت ءسوندىرۋ جانە اۆاريالىق قۇتقارۋ قىزمەتى مەملەكەتتىك مەكەمەسىنە وبلىس اكىمى جانسەيىت تۇيمەباەۆ جاڭا تەحنيكانىڭ كىلتىن تابىستادى, دەپ حابارلادى وقو ءباسپاسوز قىزمەتى. «توتەنشە جاعدايلاردىڭ الدىن الىپ, تەر توگىپ جۇرگەن سىزدەردىڭ ەڭبەكتەرىڭىز زور. وبلىستىق توتەنشە جاعدايلار دەپارتامەنتى بازاسى جىل ساناپ جاقسارا تۇسۋدە. وسى ماقساتتا جەرگىلىكتى بيۋدجەتتەن بيىل 269 ميلليون تەڭگە قاراجات ءبولىندى. بۇگىن دە, مىنە, جۇمىستارىڭىزعا اسا قاجەتتى 7 كولىكتىڭ كىلتىن تاپسىرعالى وتىرمىن. كەلەسى 2017 جىلى وسى باعىتتاعى جۇمىستار جالعاسىن تابادى, بۇل ماقساتتا وبلىس بيۋدجەتىنەن 427 ملن تەڭگە قاراستىرىلۋدا», - دەدى  وڭىر باسشىسى جانسەيىت قانسەيىت ۇلى. شارا بارىسىندا وبلىس اكىمى ەكى قىزمەتكەردى «وبلىسقا سىڭىرگەن ەڭبەگى ءۇشىن» مەدالىمەن ماراپاتتاسا, قوس ءورت سوندىرۋشىگە گراموتا تابىس ەتتى. ءبىر ايتا كەتەرلىگى, ءورت ءسوندىرۋ جانە اۆاريالىق قۇتقارۋ قىزمەتى مەملەكەتتىك مەكەمەسىندە 181 بىرلىك ءورت ءسوندىرۋ تەحنيكاسى بار. ونىڭ 121-ءى ءورت ءسوندىرۋ, 22- ءسى ارنايى, 38 بىرلىگى كومەكشى اۆتوكولىكتەر. وسى تەحنيكالاردىڭ 93-ءى  20 جىلدان استام ۋاقىت پايدالانىلىپتى.