پارلامەنتتىك اسسامبلەيا ءىس-شارالارىنا قاتىستى

قازاقستان پارلامەنتى ءماجىلىسىنىڭ توراعاسى نۇرلان نىعماتۋلين باستاعان پارلامەنتتىك دەلەگاتسيا 21-22 جەلتوق­سان­دا باكۋ قالاسىندا (ازەربايجان) وتكەن تۇركىتىلدەس ەلدەر پارلامەنتتىك اسسامبلەياسىنىڭ (تۇركپا) ءىس-شارالارىنا قاتىستى, دەپ حابارلادى ءماجىلىستىڭ ءباسپاسوز قىزمەتى. شارا بارىسىندا قازاقستاننىڭ تۇركپا-عا توراعالىعى اياسىندا وسى ۇيىمنىڭ جاڭا اكىمشىلىك كەڭسەسىنىڭ اشىلۋ سالتاناتى ءوتتى. وندا ءماجىلىس توراعاسى ءسوز الىپ, ازەر­باي­­جان رەسپۋبليكاسىنىڭ پرەزيدەنتى يلحام اليەۆكە باكۋ قالاسىنىڭ تورىنەن بوي كوتەرگەن بىرەگەي عيمارات ءۇشىن تۇركپا-نىڭ ءىس باسىن­داعى توراعاسى رەتىندە ۇيىم ءمۇ­شە­لەرى اتىنان شىنايى العىس سەزىمىن ءبىلدىردى. ءماجىلىس توراعاسىنىڭ ايتۋىنشا, وسى ماڭىز­دى وقيعا تۇركپا ەلدەرىنىڭ تاۋەلسىزدىك العا­نىنا 25 جىل تولعان وتە ماڭىزدى كەزەڭ­دە ءوتىپ وتىر. سونىمەن بىرگە, 1920 جىلى شىعىس حالىقتارىنىڭ تۇڭعىش سەزى جانە بيىل 90 جىلدىعىن اتاپ وتكەن تۇڭعىش تۇركو­لوگيا­لىق سەزد وسى قالادا وتكەنىن ەسكە العان ن.نىع­ماتۋلين تاريحي وقيعالار توعىسقان باكۋدە باۋىرلاس ەلدەردىڭ باس شتاب-پاتەرىنىڭ ورنالاسۋى ايرىقشا ماڭىزدى ەكەنىن اتاپ ءوتتى. ءوز سوزىندە: – ءبىز ازەربايجاندا تۇركپا حاتشىلى­عىنىڭ جاڭا ءوفيسىن اشتىق. ول – ەلباسى نۇرسۇلتان نازارباەۆ نەگىزىن قالا­عان تۇركپا-نىڭ جاڭا بەلەسكە شىعۋىنىڭ ناقتى كورسەتكىشى. بۇل پرەزيدەنتىمىزدىڭ وسى ۇيىمدى قۇرۋ جونىندەگى يدەياسىنىڭ ماڭىز­دىلىعىن تاعى دا كورسەتتى. سوندىقتان, الدا­عى ۋاقىتتا تۇركپا ەلدەرى, سونىڭ ءىشىن­دە, زاڭ شىعارۋشى ورگاندار اراسىنداعى ارىپتەس­تىك بۇرىنعىدان دا تەرەڭدەي تۇسەتىن بولادى, – دەدى نۇرلان زايروللا ۇلى. بيىلعى باسقوسۋدىڭ تاعى ءبىر ەرەكشەلىگى – تۇركپا-نىڭ شەشىمىمەن قازاقستان, قىرعىزستان, ازەربايجان جانە تۇركيا ەلدەرىنىڭ پرەزيدەنتتەرى «ەڭبەگى ءۇشىن» مەدالىمەن ماراپاتتالدى. تۇركپا شارالارى اياسىندا ءماجىلىس ءتور­اعاسى ازەربايجاننان, تۇركيادان, قىرعىز­ستاننان كەلگەن ارىپتەستەرىمەن ەكى­جاقتى كەزدەسۋلەر وتكىزدى. تۇركيا ۇلى ۇلت­تىق جينالىسىنىڭ توراعاسى يسمايل كاحرامەن­مەن جۇزدەسۋى كەزىندە ءماجىلىس توراعاسى, ەڭ الدىمەن, قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ جانە ءوز اتىنان ىستانبۇل جانە كايسەرى قالا­لارىندا ورىن العان لاڭكەستىك سالدارىنان قايتىس بولعانداردىڭ قايعىسىنا ورتاق­تا­سىپ كوڭىل ايتا كەلىپ, قازاقستاننىڭ قانداي ءتۇر­دە بولسا دا لاڭكەستىكتى قاتاڭ ايىپتايتىندى­عىن جەتكىزدى. ءماجىلىس توراعاسىنىڭ ايتۋىنشا, تۇرىك رەس­پۋبليكاسىنىڭ پرەزيدەنتى رەجەپ ەردوعان­نىڭ 2015 جىلعى قازاقستانعا مەملە­كەتتىك ساپارى, سونىمەن بىرگە, قازاقستان پرەزي­د­ەنتى نۇرسۇلتان نازارباەۆتىڭ ءتۇر­كياعا 2016 جىلعى ساۋىردە جانە تامىزدا جاساعان ساپارلارى ەكىجاقتى ءوزارا بايلانىستى جاڭا دەڭگەيگە كوتەردى. قازاق-تۇرىك قاتىناسىنا جاڭا سەرپىن بەردى. اڭگىمە بارىسىندا نۇرلان نىعماتۋلين: – بيىلعى 15 شىلدەدەگى اسكەري توڭكەرىس جاساۋ ارەكەتىنەن كەيىنگى اۋىر جاعدايدان تۇركيا ۇلكەن ابىرويمەن شىقتى. تۇركيا حالقى بۇكىل الەمگە دەموكراتيالىق ەل ەكەنىن تاعى ءبىر دالەلدەدى. وسى قيىن كۇندەردە ءبىزدىڭ ەلىمىز تۇرىك رەسپۋبليكاسىنىڭ زاڭدى سايلانعان پرەزيدەنتىن, پارلامەنتىن جانە ۇكىمەتىن قولدايتىنىن ءبىلدىردى. وسى جاعدايدان كەيىن انكاراعا ءبىرىنشى بولىپ رەسمي ساپار جاساعان – قازاقستان پرەزيدەنتى نۇرسۇلتان ءابىش ۇلى نازارباەۆ, – دەدى. ءوز كەزەگىندە يسمايل كاحرامان قازاق­ستاننىڭ بيىلعى جىلى تۇركپا-عا توراعا­لىعىن وتە جوعارى باعالادى. ودان ءارى سيريا­داعى قاقتىعىستى رەتتەۋ بويىنشا كەلىس­سوزدەردى استانادا جۇرگىزۋ ماسەلەسىنە نازار اۋدارعان ي. كاحرامان: – بۇگىنگى كۇنى استانا بىتىمگەرشىلىك ماسە­لە­سىندە ايرىقشا ءرول اتقارادى. بۇل – قازاق­ستان پرەزيدەنتى نۇرسۇلتان نازارباەۆ­تىڭ ەرەن ەڭبەگى. سوندىقتان, ۇنقاتىسۋ الا­ڭى رەتىندە ءدال استانانىڭ تاڭدالۋى وتە ۇتىم­دى شەشىم دەپ ەسەپتەيمىن, – دەدى. كەز­دەسۋ سوڭىن­دا ن.نىعماتۋلين ارىپتەسىن قازاق­ستان­عا رەسمي ساپارمەن كەلۋگە شاقىردى. قازاقستان پارلامەنتى ءماجىلىسىنىڭ ءتور­اعاسى, سونداي-اق, ازەربايجان ميللي مەجليسىنىڭ توراعاسى وكتاي اسادوۆپەن جانە قىرعىزستان جوگوركۋ كەنەشىنىڭ سپيكەرى چىنىباي تۋرسۋنبەكوۆپەن كەزدەسىپ, پارلا­مەنتارالىق بايلانىستاردى نىعايتۋعا سەرپىن بەرۋ ارقىلى باۋىرلاس مەملەكەتتەردىڭ ىنتىماقتاستىعىن تەرەڭدەتۋدىڭ وزەكتى ماسە­لەلەرىن تالقىلادى. تاراپتاردىڭ پىكىرىن­شە, پارلامەنتارالىق ءوزارا ءىس-قيمىلدى تەرەڭ­­دەتۋ مەملەكەت باسشىلارىنىڭ ءتۇرلى سالا­داعى ارىپتەستىك كەلىسىمدەرىن ءتيىمدى جۇزە­گە اسىرۋعا جول اشادى. ن.نىعماتۋلين تۇركپا-عا مۇشە مەملەكەتتەر كەلەر جىلى قىرعىزستاننىڭ ءتور­اعا­لىعى كەزىندە دە باستالعان ءىستى ءتيىمدى جال­عاس­تىراتىنىنا سەنىم ءبىلدىردى.