ىسكەرلىك ارىپتەستىكتىڭ ىلكىمدى الەمى

«بايتەرەك» ۇلتتىق حول­دينگى­نىڭ ۇيىتقى بولۋىمەن قازاق­ستان – يران ىسكەرلىك كەڭەسىنىڭ 3-وتى­رىسى ءوتتى. بۇل شارا ەكى ەل ارا­سىنداعى بيزنەس-فورۋم شەڭ­بەرىندە ۇيىمداستىرىل­دى. وتى­رىس­تى ين­ۆەس­تيتسيالار جانە دامۋ مي­نيسترى جەڭىس قاسىمبەك پەن يران يسلام رەس­پۋب­ليكاسى پرەزيدەنتى اكىم­شى­لىگىنىڭ باسشىسى موحومماد ناحا­ۆان­ديان اشىپ, جۇرگىزىپ وتىردى. قازاقستان مەن يران اراسىن­داعى ىسكەرلىك بايلانىستىڭ تامى­رى تەرەڭدە. ەكى ەلدىڭ دوس­تىق ءراۋىش­­تەگى قارىم-قاتىناسىنا كەلەر جىلى شيرەك عاسىر تولماق. ەكى­­جاقتى كەلىسىمنىڭ ناقتى ءناتي­جە­لەرى ساۋدا-ەكون­و­ميكالىق, ين­ۆەس­­­تيتسيالىق ارىپتەستىك سالا­سىن­دا ايقىن كورىنىس تاۋىپ وتىر. – مەملەكەتارالىق بايلا­نىس­­تىڭ شەڭ­بەرىندە يران كاسىپ­كەرلەرىنىڭ وتاندىق نارىق­تاعى قىزمەتىن جولعا قويۋىنا بارىن­شا مۇمكىندىكتەر قاراستىرىلعان. ين­ۆەس­­تي­تسيالىق جوبالار مەن ساۋدا وپەراتسيا­لارىنىڭ كەدەرگىسىز اتقارىلۋىنا قازاقستان تارا­پى­­نان قولداۋ بار. ۇكىمەتتىك با­عدار­­لا­مالار­دىڭ نەگىزگى وپەراتورى بولىپ تابى­لاتىن «بايتەرەك» حولدينگى تاراپى­ن­ان قازاقستاندىق كاسىپكەرلەردىڭ يران نارى­عىنا شىعۋىنا دا جاعداي جاسالۋدا. بۇل جۇمىس ناتيجەسىز ەمەس. ەكى ەل ىسكەرلەرىنىڭ بۇگىنگى باس قوسۋى ءداستۇرلى بايلانىستاردىڭ جاڭاشا سيپاتتا دامۋىنا سەرپىن بەرەتىنى انىق. وسى ماقساتتا ءبىز يران دامۋ ينستيتۋت­تارىمەن سەرىكتەستىكتى بەلسەندى دامىتۋدامىز, – دەدى وتىرىستا ءسوز العان «بايتەرەك» ۇلتتىق حولدينگى اق باسقارما توراعاسى ەربولات دوساەۆ. ال بۇعان دەيىن وتكەن قازاق­ستان – يران ىسكەرلىك كەڭەسىنىڭ وتىرىسىندا اۋىل شارۋا­شىلىعى, مۇناي وڭدەۋ سەكتورى جانە ماشي­نا جاساۋ سالالارىندا بىرىگىپ ات­قا­رى­­لاتىن ىستەر ايقىندالعان ەدى. اتاپ ايتقاندا, «بايتەرەك» ۇلت­تىق باسقارۋشى حولدينگى» اق پەن يراننىڭ ۇلتتىق دامۋ قورى اراسىنداعى ىنتىماقتاستىق تۋ­رالى مەموراندۋم جاسالىپ, جالپى قۇنى 1 ملرد اقش دوللارى شاماسىنداعى 48 ءتۇرلى كەلىسىمگە قول قويىلعان بولاتىن. قالماحانبەت مۇقامەتقالي, «ەگەمەن قازاقستان»