ماڭىزدى شەشىمدەر قابىلدانعان باسقوسۋ

تاياۋدا ماسكەۋدە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى اسقار ءماميننىڭ توراعالىعىمەن ەۋرازيالىق ەكونوميكالىق كوميسسيا كەڭەسىنىڭ وتىرىسى ءوتتى. اتالمىش وتىرىس سانكت-پەتەربۋرگ قالاسىندا ۇستىمىزدەگى جىلدىڭ 26 جەلتوقسانىندا بولاتىن جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسى قارساڭىندا ءوتىپ وتىر.  وتىرىستىڭ كۇن تارتىبىنە 19 ماسەلە ەنگىزىلدى. بۇل تۋرالى پرەمەر-ءمينيستردىڭ رەسمي سايتى حابارلادى. تالقىلاۋ قورىتىندىسى بو­يىنشا قاتىسۋشى مەملەكەتتەر ەۋرازيالىق ەكونوميكالىق وداقتىڭ (ەاەو) ساۋدا, ەكونوميكا جانە قارجى ساياساتى, ەنەرگەتيكا جانە ينفرا­قۇرىلىم, باسەكەلەستىك جانە مونوپولياعا قارسى رەتتەۋ, ونەر­كاسىپ, تەحنيكالىق رەتتەۋ سالالارى بويىنشا بىرقاتار ماڭىزدى شەشىم­دەر قابىلدادى. كوميسسيا كەڭەسى وتىرىس بارىسىندا ەاەو شەڭبەرىندەگى ونەر­كاسىپتىك ىقپالداستىقتىڭ نەگىزگى باعىت­تارىن جۇزەگە اسىرۋ­دىڭ بىرە­گەي مونيتورينگى مەن ناتيجە­لەردى تالداۋى تۋارلى ەرەجە­نى بەكىت­تى. قۇجات ونەركاسىپتىك ىنتى­ماقتاس­تىق وداعىنىڭ دامۋىن, نەگىز­گى باعىت­تاردى جۇزەگە اسىرۋ جوسپار­لارى­نى­ڭ ورىندالۋىنا تالداۋدى, ولار­دى جۇزەگە اسىرۋ جونىندەگى جۇمىس­تار­دىڭ ءتيىم­دىلىگىن ارتتىرۋدى سيپاتتايتىن ساندىق جانە ساپالىق كورسەتكىش­تەردى ايقىنداۋعا باعىتتالعان. سونداي-اق, ونەركاسىپتىك كووپەراتسيا مەن سۋبكونتراكتىلەۋدىڭ ەۋرازيالىق جەلىسىن قۇرۋ تۇجى­رىمداماسى بەكىتىلدى. تۇجى­رىم­­دامادا سۋبكونتراكتىلىك تاپسى­رىس­ت­اردىڭ ىقتيمال ارىپتەس­تەرى مەن جەتكىزىپ بەرۋشىلەرىن ىزدەۋ ءۇشىن شەشۋشى اقپاراتتىق جانە ينتە­گراتسيالىق رەسۋرس رەتىندەگى مۇشە مەملەكەتتەردىڭ ونەركاسىپ كاسىپورىن­دارىنىڭ بىرەگەي رەەسترى بازاسىندا ەۋرازيالىق جەلى قۇرۋ قاراستىرىلعان. كەڭەس مۇشەلەرى ەۋرازەق-قا مۇشە مەملەكەتتەردىڭ كوميس­سياعا ەۋرازەق اۋماعىنا ەنگى­زىلەتىن كەدەندىك تاۋارلار تۋرالى اقپارات­تى ۇسىنۋ ءتارتىبىن قارادى. مۇن­داي ءوزارا ءىس-قيمىلدار ستاتيس­ت­ي­كا­­لىق مالىمەتتەر بەرۋدى ءجۇ­زەگە اسىرۋعا, سونداي-اق, ەۋرازەق ەل­دەرى وندىرۋشىلەرىنىڭ ءمۇد­دە­لەرىن ىلگەرىلەتۋ بويىنشا ۋاقتى­لى شارالار قابىلداۋعا جاعداي جاساي­دى. كەڭەس وتىرىسىنىڭ قورى­تىن­دىسى بويىنشا ەۋرازيالىق ەكو­نوميكالىق وداقتى ودان ءارى دامى­تۋعا باعىتتالعان ءوزارا ءتيىمدى شەشىم­دەرگە قول جەتكىزىلدى. جوعارىدا اتاپ وتىلگەندەي, ءۇستى­مىزدەگى جىلدىڭ 26 جەلتوق­سانىن­دا سانكت-پەتەربۋرگ قالا­سىن­دا جوعارى ەۋرازيالىق ەكونو­مي­كالىق كەڭەستىڭ مەملەكەت باسشىلارى دەڭگەيىندەگى وتىرىسى وتەدى. جوعارى كەڭەس وتىرىسى شەڭ­بە­رىن­دە ەۋرازەق-تىڭ كەدەن كو­دەك­سى­نە قول قويۋ جوسپارلانعان. اتال­­­مىش قۇجاتتىڭ قابىلدانۋى ەۋرازەق شەڭبەرىندە كەدەندىك پرو­تسە­دۋ­را­­لار­دىڭ بۇكىل كەشەنىن رەت­تەۋگە جاعداي جاسايتىن بولادى. ەۋرازەق-تىڭ حالىقارالىق قىز­مەتى ماسەلەلەرىنە ايرىقشا نازار اۋدارىلماق. ونىڭ سىرتىندا جوعارى كەڭەس وتىرىسى شەڭبەرىندە مەملەكەت باسشىلارى ەۋرازەق-تىڭ ورتاق ەلەكتر ەنەرگياسى رىنوگىن قۇرۋ باع­دارلاماسىن قارايتىن بولادى. ونى جۇزەگە اسىرۋ اتالمىش ينتەگراتسيالىق بىرلەستىك شەڭ­بەرىن­د­ە ەلەكتر قۋاتىن ەركىن ساۋدالاۋ ءۇشىن قاجەتتى مۇمكىندىكتەر تۋعىزباق. مەملەكەت باسشىلارى, سونداي-اق, ۇيلەستىرىلگەن كولىك سايا­ساتى­نىڭ نەگىزگى باعىتتارى مەن جۇزەگە اسىرۋ ساتىلارىن قارايتىن بولادى. سول سياقتى جوعارى كەڭەس وتىرىسىندا قىزمەت كورسەتۋلەر سەكتورى بويىنشا بەيتاراپتاندىرۋ جوسپارىن جانە ساۋدانى قىزمەت كورسەتۋلەرمەن, مەكەمەلەرمەن جانە قىزمەتتەرمەن رەتتەۋ ەرەجەسىن بەكىتۋ جوسپارلانىپ وتىر.