23 جەلتوقسانعا ارنالعان اۋا رايى

23 جەلتوقسان كۇنى قازاقستان ايماقتارىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى تۇراقسىز اۋا رايى ساقتالادى, جاۋىن-شاشىن كۇتىلەدى, وڭتۇستىكتىڭ كەي جەرلەرىندە جاۋىن-شاشىن قاتتى بولاتىنى بولجانادى. جەكەلەگەن وڭىرلەردە بۇرقاسىن, تۇمان, كوكتايعاق بولىپ, جەل كۇشەيەدى. اقمولا وبلىسىنىڭ كەي جەرلەرىندە بۇرقاسىن تۇرىپ, 15-20 م/س جىلدامدىقپەن جەل سوعادى. باتىس قازاقستان, سولتۇستىك قازاقستان وبلىستارىنىڭ جەكەلەگەن جەرلەرىندە جاياۋ بۇرقاسىن بولادى. جامبىل, وڭتۇستىك قازاقستان, قىزىلوردا وبلىستارىنىڭ جەكەلەگەن اۋماقتارىندا  بۇرقاسىن, تۇمان, كوكتايعاق كۇتىلەدى, جەلدىڭ ەكپىنى 15-28 م/س-قا دەيىن كۇشەيەدى. اتىراۋ وبلىسىنىڭ كەي جەرلەرىندە تۇمان بولجانادى. قوستاناي, قاراعاندى, شىعىس قازاقستان وبلىستارىنىڭ كەي اۋماقتارىندا بۇرقاسىن, تۇمان بولىپ, جەلدىڭ جىلدامدىعى 15-20 م/س-قا جەتۋى مۇمكىن. الماتى وبلىسىنىڭ كەي جەرلەرىندە تۇمان, كوكتايعاق بولىپ, كۇندىز جەل 15-20 م/س كۇشەيەدى. تۇندە سولتۇستىك قازاقستان وبلىسىندا, ماڭعىستاۋ وبلىستارىنىڭ كەي جەرلەرىندە قاتتى اياز بولۋى ىقتيمال.