بانكروت بولعان «بيوحيم» قايتادان ىسكە قوسىلادى

وسىدان 10 جىل بۇرىن تاي­ىنشا اۋدانىندا ين­دۋس­­تريالىق-يننوۆاتسيالىق ءجا­نە اگروازىق-ت ۇلىك باع­دار­لا­ما­لارى بويىنشا 10 ميلليارد تە­ڭگەگە «بيوحيم» وندىرىستىك كە­شەنى بوي كوتەرىپ, تمد-داعى تۇڭعىش وزىق تەحنولوگيا رەتىندە باعالاندى. ساپاسى ءتو­مەن, سۇرىبى ناشار بيدايدى قالدىقسىز وڭدەي وتىرىپ, اس­تىق بالۋىزىن, بيوەتانول الۋ, بەنزيننىڭ وسى قوسپاسى ارقىلى اۋاعا شىعارىلاتىن زياندى زاتتار مولشەرىن 30 پايىزعا دەيىن ازايتۋ مىندەتى قويىلدى. بۇدان تىسقارى كەشەندە ساپالى ۇن, جەمازىق اشىتقىسىن ءوندىرۋ, مال بورداقىلاۋ الا­ڭ­ىن, ءسۇت فەرماسىن قۇرۋ, استىقتىڭ كۇنجارا, كەبەك سياق­تى قالدىقتارىن پايدالانۋ جوس­پارلاندى. الايدا, «ءححى عا­سىردىڭ بيوتەحنولوگيالىق كلاس­تەرى» دەگەن جاناما اتاۋ بەرىلگەن كاسىپورىن كرە­د­ي­تور­لىق قارىزداردىڭ كو­بەيۋى, تاعى باسقا سەبەپتەر سال­دارىنان اۋىل­شارۋاشىلىق ءونىم­دە­رىنىڭ باسەكەگە توتەپ بەرۋ قا­بى­لەتتىلىگىنەن ايىرىلىپ, ءوز جۇ­مىسىن توقتاتۋعا ءماجبۇر بولدى. ەندى, مىنە, قالتالى الپاۋىتتار جەتى جىل بويى قاڭ­تا­رىلىپ تۇرعان زاۋىتتى تەزدەتىپ قالپىنا كەلتىرۋگە كىرىستى. وبلىس باسشىسى ەرىك سۇلتانوۆ تايىنشا اۋدانىنا بارعان جۇمىس ساپارىندا ءوندىرىس ورنىندا بولىپ, ينۆەس­تورلارمەن كەزدەستى. اڭگىمە بارىسىندا كەشەندى ىسكە قو­سۋعا دايىندىق شارالارى تال­قىلاندى. «Bio Operations» كوم­پانياسى «قازمۇنايگاز» اق جانە «BioLinekz»جشس-ءنىڭ قاتىسۋىمەن قالپىنا كەلتىرۋ جۇمىستارىن جۇرگىزەدى. ديىرمەن, ودان كەيىن كراحمال, ۇلپا وندىرەتىن تسەحتار جاڭارتىلادى. ولارعا قۇ­رال-جابدىقتار كىتايدان, رەسەي­دەن, تۇركيادان, انگليادان اكەلىنىپ, ورناتى­لا­­دى. ۇنعا دەگەن ءىش­كى-سىر­ت­­قى سۇرانىس ەسكەرىلىپ, قا­زان­دىقتاردى, قويمالاردى, ءديىر­مەندەردى جەدەل ىسكە قوسۋ تاپ­سىرىلدى. ىسكەرلىك كەزدەسۋ با­رى­سىن­دا كەشەننىڭ سۋمەن جاب­دىق­­تالۋىنا, ەلەكتر جا­رى­عى­­نا, جىلۋ جۇيە­­سىنە قو­سى­لۋى­­نا بارلىق تەح­ني­كا­لىق ءمۇم­كىن­دىك­تەردىڭ جۇ­مى­ل­دى­رى­لا­تىنى, بوگەسىن بولمايتىنى اي­تىلدى. «BioLinekz» جشس-ءنىڭ جوبا­لاۋ جونىندەگى ديرەكتورى جاندوس ەسەنبايدىڭ ايتۋىنشا, بۇگىندە كەشەنگە سۋ, تەلەفون, ەلەكتر جەلىلەرىن تارتۋدىڭ تەحنيكالىق شارتتارى جاسالىپ, قوندىرعىلار ساراپتامادان وتكەن. جوسپار بويىنشا ءىرى ءوندىرىس وشاعى كەلەسى جىلى بيداي وڭدەپ, ۇن, كراحمال شىعارا باستايدى. 220 ادامدى تۇراقتى جۇمىسپەن قامتۋ بەلگىلەنگەن. ءومىر ەسقالي, «ەگەمەن قازاقستان» سولتۇستىك قازاقستان وبلىسى,