قىزىلوردا وبلىسىندا جۇرەككە اشىق وتا جاساۋ كوبەيدى

بيىل جوعارى مامانداندىرىلعان مەديتسينالىق كومەك اۋقىمىنىڭ كەڭەيۋىنە وراي, رەسپۋبليكالىق بيۋدجەتتەن شامامەن 1,5 ملرد. تەڭگە قارجى ءبولىنىپ, ناتيجەسىندە جۇرەككە اشىق وتا جاساۋ 20%-عا, نەيروحيرۋرگيالىق وپەراتسيالار سانى 27%-عا, ەندوپروتەزدەۋ سانى 2 ەسەگە دەيىن ءوستى. بۇل تۋرالى قىزىلوردا وبلىسىنىڭ دەنساۋلىق ساقتاۋ باسقارماسىنىڭ باسشىسى اقمارال النازاروۆا حابارلادى. - اعىمداعى جىلدىڭ ماۋسىم ايىنان باستاپ وبلىستا وفتالموحيرۋرگيالىق ورتالىق اشىلدى. جەرگىلىكتى بيۋدجەتتەن 90 ملن. تەڭگەگە جوعارى دياگنوستيكالىق قۇرال-جابدىقتار ساتىپ الىنىپ, وتكەن جىلمەن سالىستىرعاندا جاسالعان وتا سانىنىڭ 2 ەسەگە دەيىن وسۋىنە سەپتىگىن تيگىزدى. وبلىستا وفتالمولوگيالىق ورتالىقتا العاش رەت گلاۋكومالىق كابينەت اشىلىپ, 2000-نان استام ناۋقاس گلاۋكومامەن ەسەپكە الىندى. سىناق رەجيمىندە بايقوڭىر قالاسىندا وبلىستىق مەديتسينالىق ورتالىقتىڭ فيليالى اشىلدى,- دەدى اقمارال ءالنازاروۆا.