ەۋرازيالىق ەكونوميكالىق كوميسسيا وتىرىسىندا 19 ماسەلە قارالدى

ماسكەۋدە قر پرەمەر-ءمينيسترىنىڭ ءبىرىنشى ورىنباسارى اسقار ءماميننىڭ توراعالىعىمەن ەەك (ەۋرازيالىق ەكونوميكالىق كوميسسيا) كەڭەسىنىڭ وتىرىسى ءوتتى. اتالعان وتىرىس 26 جەلتوقساندا سانكت-پەتەربۋرگ قالاسىندا وتەتىن مەملەكەت باسشىلارى دەڭگەيىندەگى جوعارى ەۋرازيالىق ەكونوميكالىق كەڭەس قارساڭىندا ءوتتى, دەپ حابارلايدى primeminister.kz. كۇن تارتىبىندە 19 ماسەلە قارالدى. تالقىلاۋ قورىتىندىسى بويىنشا قاتىسۋشى ەلدەر ەۋرازيالىق ەكونوميكالىق وداقتاعى (ەاەو) ساۋدا, ەكونوميكا جانە قارجى ساياساتى, ەنەرگەتيكا جانە ينفراقۇرىلىم, باسەكەلەستىك جانە مونوپولياعا قارسى رەتتەۋ, ونەركاسىپ, تەحنيكالىق رەتتەۋ سالاسىندا بىرقاتار ماڭىزدى شەشىمدەر قابىلدادى. كوميسسيا كەڭەسى وتىرىس بارىسىندا ەاەو اياسىندا ونەركاسىپتىك ىنتىماقتاستىقتىڭ نەگىزگى باعىتتارىن جۇزەگە اسىرۋدىڭ ناتيجەلەرىنە جىل سايىن مونيتورينگ جۇرگىزۋ جانە تالداۋ تۋرالى ەرەجەنى بەكىتتى. قۇجات ونەركاسىپتىك ىنتىماقتاستىق وداعىنداعى دامىتۋدى سيپاتتايتىن ساپالى جانە ساندىق كورسەتكىشتەردى انىقتاۋعا, نەگىزگى باعىتتاردى جۇزەگە اسىرۋ جوسپارلارىن ورىنداۋدى تالداۋ, ولاردى جۇزەگە اسىرۋ بويىنشا جۇمىستىڭ تيىمدىلىگىن ارتتىرۋعا باعىتتالعان. سونداي-اق, ونەركاسىپتىك كووپەراتسيا جانە سۋبكونتراكتاتسيانىڭ ەۋرازيالىق جەلىسىن قۇرۋدىڭ تۇجىرىمداماسى بەكىتىلدى. تۇجىرىمدامادا الەۋەتتى سەرىكتەستەردى جانە سۋبكەلىسىمدى تاپسىرىستاردى جەتكىزۋشىلەردى ىزدەستىرەتىن باستى اقپاراتتىق جانە ينتەگراتسيالىق رەسۋرس رەتىندە مۇشە مەملەكەتتەردىڭ ونەركاسىپتىك كاسىپورىندارىنىڭ بىرىڭعاي ءتىزىلىمى نەگىزىندە ەۋرازيالىق جەلى قۇرۋ كوزدەلگەن. كەڭەس مۇشەلەرى ەۋرازەو-عا مۇشە مەملەكەتتەردىڭ كوميسسياعا ەۋرازەو-ءنىڭ كەدەندىك اۋماعىنا وتكىزىلەتىن تاۋارلار تۋرالى اقپاراتتى ۇسىنۋ ءتارتىبىن قاراستىردى. مۇنداي ءوزارا ءىس-قيمىل ستاتيستيكالىق مالىمەتتەردى ىسكە اسىرۋعا, سونىمەن قاتار ۋاقىتىلى ەۆرازەو-نىڭ ءوندىرۋشى ەلدەرىنىڭ مۇددەلەرىن ىلگەرىلەتۋ بويىنشا شارالار قابىلداۋعا مۇمكىندىك بەرەدى. كەڭەس وتىرىسىنىڭ قورىتىندىسى بويىنشا ەۋرازيالىق ەكونوميكالىق وداقتىڭ ءارى قاراي دامۋىنا باعىتتالعان ءوزارا ءتيىمدى شەشىمدەرگە قول جەتكىزىلدى. الدىندا ايتىلعانداي, ا. ج. 26 جەلتوقساندا سانكت-پەتەربۋرگ قالاسىندا مەملەكەت باسشىلارى دەڭگەيىندە جوعارى ەۋرازيالىق ەكونوميكالىق كەڭەستىڭ وتىرىسى وتەدى. جوعارى كەڭەس وتىرىسى اياسىندا ەۋرازەو-نىڭ كەدەندىك كودەكسىنە قول قويۋ جوسپارلانعان. اتالعان قۇجاتتىڭ قابىلدانۋى ەۋرازەو اياسىندا كەدەندىك راسىمدەردىڭ تولىقتاي كەشەنىن رەتتەۋگە مۇمكىندىك بەرەدى. ەۋرازەو-نىڭ حالىقارالىق قىزمەتى تۋرالى سۇراقتار توپتاماسىنا ەرەكشە نازار اۋدارىلادى. بۇدان وزگە, جوعارى كەڭەس وتىرىسى اياسىندا مەملەكەت باسشىلارى ەۋرازەو-نىڭ جالپى ەلەكتر-ەنەرگەتيكالىق نارىعىن قالىپتاستىرۋ باعدارلاماسىن قاراستىراتىن بولادى. ونى جۇزەگە اسىرۋ ينتەگراتسيالىق بىرلەستىك اياسىندا ەلەكتر ەنەرگياسىمەن ەركىن ساۋدا جۇرگىزۋگە قاجەتتى جاعداي جاساۋعا مۇمكىندىك بەرەدى. سونداي-اق, مەملەكەت باسشىلارى ۇيلەستىرىلگەن كولىك ساياساتىن ىسكە اسىرۋدىڭ نەگىزگى باعىتتارى مەن كەزەڭدەرىن قاراستىرادى. جوعارى كەڭەس وتىرىسى اياسىندا قىزمەت كورسەتۋ سەكتورلارى بويىنشا ىرىقتاندىرۋ جوسپارلارىن, سونداي-اق ساۋدانى قىزمەت كورسەتۋلەرمەن, مەكەمەلەردى جانە قىزمەتتەردى رەتتەۋ ەرەجەلەرىن بەكىتۋ جوسپارلانعان.