استانادا 8 ەمحانا سالىنادى

ەلوردالىق مەديتسينانىڭ الدىندا تۋىنداپ وتىرعان باستى ماسەلە حالىق سانىنىڭ تۇراقتى نەگىزدە ورتا ەسەپپەن 40 مىڭ ادامعا ءوسۋى. بۇل تۋرالى استانا ق. قوعامدىق كەڭەسىنىڭ وتىرىسىندا ەلوردالىق دەنساۋلىق ساقتاۋ باسقارماسىنىڭ باسشىسى ەرىك ءبايجۇنىسوۆ ءمالىم ەتتى, دەپ حابارلايدى ەلوردا اكىمدىگى. ونىڭ ايتۋىنشا, بۇگىنگى كۇنى استانادا ءبىر ميلليون حالىق تۇرادى, ال قالالىق ەمحانالار 500-600 مىڭ ادامعا ەسەپتەلگەن, سول سەبەپتى ءبىر جارىم ەسە جۇكتەمەنى كوتەرۋگە ءماجبۇر. «ءبىز ءبىرىنشى سانيتارلىق مەديتسينالىق كومەك كورسەتۋ ورتالىعىنىڭ (بسمك) ەكەۋىن ەمحانا ەتىپ قايتا قۇردىق, بۇل  «شاپاعات» وتباسىلىق دەنساۋلىق ورتالىعى جانە يلينكا اۋىلىنداعى ورتالىق. قازىر ولاردى قاجەت قۇرال-جابدىقتارمەن جابدىقتاپ, كادرلارمەن قامتاماسىز ەتۋ جۇمىستارى جۇرگىزىلۋدە, ناتيجەسىندە ورتالىق ەمحانالارعا جۇكتەمە ازاياتىن بولادى», - دەدى ە. ءبايجۇنىسوۆ. سونداي-اق, ول استانادا مەملەكەتتىك جەكە مەنشىك ارىپتەستىك تەتىگى بويىنشا 8 ەمحانا سالىنىپ, حوسپيس اشىلاتىنىن, قالا بويىنشا 17 شاعىم ەمحانانى ىسكە قوسۋ جوسپارلانىپ وتىرعانىن جەتكىزدى. جاڭاشىلدىقتاردىڭ تاعى ءبىرى بىرىڭعاي مەديتسينالىق كارتاعا, ودان كەيىن گەنومدىق مەديتسيناعا كوشۋ. «گەنومدىق مەديتسينا بالا تۋعان كەزدە ونىڭ قانداي اۋرۋلارعا بەيىم ەكەنىن انىقتاۋعا كومەكتەسەدى. دارىگەرلەردىڭ مىندەتى - ادامدى قانداي دا ءبىر اۋرۋدان ساقتاندىرۋ, بۇل - 12 اۋرۋ, ولاردىڭ اراسىندا ولىمگە الىپ كەلۋى مۇمكىن اۋرۋلار دا بار», - دەدى ول. مەديتسينا سالاسىنداعى بارلىق جاڭاشىلدىقتار استانا قالاسىنىڭ اكىمى اسەت يسەكەشەۆتىڭ تاپسىرماسىمەن ازىرلەنگەن «استانا - دەنساۋلىق قالاسى» باعدارلاماسى شەڭبەرىندە ەنگىزىلۋدە. جوبا اۋرۋلاردىڭ الدىن الۋدى قاراستىرادى, جانە وندا حالىقتى سالاۋاتتى ءومىر سالتىنا باۋلۋعا ەرەكشە نازار اۋدارىلعان. ەرىك ءبايجۇنىسوۆتىڭ ايتۋىنشا, سالاۋاتتى ءومىر سالتىن ۇستانۋ ونكولوگيالىق جانە باسقا دا اۋرۋلارعا شالدىعۋ قاۋپىن 20%-عا تومەندەتەدى.