ەۋرووداق كاپيتالى وزگە ايماقتارعا كوشە باستادى

ەۋروپا ايماعىندا 12 اي ىشىندە  قاراجات كۇرت كەتە باستاعانىن ەوب راستاپ وتىر. بيىل  ەۋروايماقتىڭ قارجى نارىقتارىنان ۆاليۋتا بلوگىنىڭ تاريحىندا بۇرىن-سوڭدى بولماعان ۇلكەن كولەمدە اقشا «كوشىپ» كەتكەن. بۇل 14 جىلدا العاش رەت دوللار مەن ەۋرو اراسىندا تەپە-تەڭدىككە الىپ كەلۋى مۇمكىن, دەپ حابارلايدى vestifinance.ru. ەۋروايماقتىڭ ينۆەستورلارى ەۋروايماقتان تىسقارى جەرلەردەن جالپى سوماسى  497,5 ملرد ەۋرونىڭ اكتسيالارى مەن وبليگاتسيالارىن ساتىپ العان.  جاھاندىق ينۆەستورلار  ءبىر جىل ىشىندە ەۋروايماقتاعى سوماسى 31,3 ملرد ەۋرونىڭ اكتيۆتەرىن ساتىپ جىبەرگەن. جالپى العاندا 1999 جىلى ەۋروۆاليۋتا ەنگىزىلگەننەن كەيىنگى ۋاقىتتا بەرى كەتكەن قاراجاتتىڭ سوماسى 528,8 ملرد ەۋرونى قۇرايدى. سەيسەنبىنىڭ كەشىندە ەۋرونىڭ باعامى 1,0388 دەڭگەيىندە بولدى. بۇل 2003 جىلعى قاڭتاردان بەرگى ەڭ تومەن دەڭگەي. بىرقاتار ساراپشى كەلەر جىلى ەۋرو دوللارمەن تەڭەسەدى دەپ بولجام جاساپ وتىر.