ەرىكتىلەردىڭ ەڭبەگى ەسكەرۋسىز قالمايدى

الماتىدا 2017 جىلى وتەتىن ءححVىىى قىسقى ۋنيۆەرسيادا ويىندارى جاقىنداعان سايىن ونى وتكىزەتىن ديرەكتسيانىڭ جۇمىسى قىزا ءتۇستى. ەندى قىرىق كۇنگە جۋىق ۋاقىتتان كەيىن كۇللى الەم كوز تىگىپ, قۇلاق تۇرەتىن ءدۇبىر­لى دودانى ۇيىمداستىرۋ جۇمىستارىنا تارتىلعان ءتۇرلى سالا ماماندارى دا سول كۇنگە جان-جاقتى دايىندالۋ ۇستىندە. بۇگىندە ۋنيۆەرسيادا ديرەكتسياسىندا 217 مامان جۇمىس جاساپ جاتىر. ولار كوزگە كورىنە بەرمەيتىن ۇساق-تۇيەك قاعاز تولتىرۋدان باستاپ, الدىن الا قوناقتاردى قارسى الۋ, جايعاستىرۋ كەستەسىن دايىنداۋ, سپورتشىلار مەن باسقا دا مارتەبەلى قوناقتاردى تاسىمالداۋ, تاماقتاندىرۋ ماسەلەسىن ۇيىمداستىرۋ, شا­قىرۋ بيلەتتەرىن جىبەرۋ سياقتى جۇمىستاردى باستاپ كەتكەن. – كۇندە ايتەۋىر ءبىر شارالار ءوتىپ جاتادى. بارلىعىنا ۇلگەرۋ كەرەك. ءبىز قازىر كۇنى-ءتۇنى جۇمىس ىستەپ جاتىرمىز. ءتىپتى, بىزدە دەمالىس دەگەن جوق. بىلايشا اتقاندا, ۋنيۆەرسيادا ءبىز ءۇشىن باستالىپ كەتتى, – دەدى ۋنيۆەرسيادا ديرەكتسياسىنىڭ مۇشەسى راۋان وقاس. ديرەكتسيا مۇشەلەرىنىڭ كوپشىلىگى جاستار بولىپ وتىر. سوعان قاراماستان, ارالارىندا تاجىريبەلى ماماندار دا بار­شىلىق. – 2008 جىلى الماتى قالا­سىندا العاش رەت بەيجىڭ الاۋ­ى ەستافەتاسى ءوتتى. سول الاۋدان باستاپ ازيادا الاۋىندا جۇمىس اتقارعان جانە قازان قالاسىنداعى ەستافەتا الاۋىندا كونسۋلتانت بولعان ماماندار دا جۇمىلدىرىلدى. سودان بەرى جۇمىستى ۇشتاۋ ۇدايى جۇرگىزىلىپ كەلەدى, – دەيدى ۋنيۆەرسيادا ديرەكتسياسى ديرەكتورىنىڭ ورىنباسارى ديدار ساعاديەۆ. ۋنيۆەرسيادا ديرەك­تسيا­سىنىڭ باسشىسى نايل نۋروۆ­تىڭ ايتۋىنشا, ەرىكتىلەردىڭ دە ەڭبەگى ەسكەرۋسىز قالمايدى. قازىر ولاردىڭ قاتارى 14 مىڭعا جەتىپتى. ەندى ىرىكتەۋ جۇمىستارى جۇرگىزىلىپ, 3 مىڭ ەرىكتى تاڭداپ الىنادى.