اقتاۋ پورتىنداعى العاشقى اسكەري ايلاق

كاسپي – قازاقستاندى ساۋدا-ساتتىق, حالىقارالىق تاسىمال تۇرعىسىندا الەم ەلدەرىنە الىپ شىعاتىن تەڭىز قاقپاسى.  سۋ ايدىنىنىڭ قازاقستاندىق سەكتورىنىڭ قاۋىپسىزدىگىن قامتاماسىز ەتۋ ءۇشىن ەلىمىزدىڭ اسكەري-تەڭىز كۇشتەرى بولىمدەرى كۇنى-ءتۇنى قىراعى كۇزەتتە. اتالمىش اسكەري قۇرى­لىم تاۋەلسىزدىك مەرەكەسى قار­ساڭىندا زور جاڭالىققا يە بولدى. قازاقستان اسكەري-تەڭىز كۇشتەرى تاريحىندا العاش رەت اقتاۋ تەڭىز-ساۋدا پورتى اۋماعىنان اسكەري اي­لاق اشىلدى. قۇرىلىس جۇ­مىستارى بيىل اقپان ايىندا باستالعان ايلاقتىڭ ۇزىندىعى 400 مەتردەن اسادى, ال قۇرىلىس جۇمىستارىنا 3 ميللياردتان استام تەڭگە جۇمسالعان. بۇعان دەيىن اسكەري كەمەلەر باۋتين كەنتىندەگى ايلاق­تى جالدامالى نەگىز­دە پايدالانىپ كەلگەن بولاتىن. اسكەري بازادان 140 شاقىرىم قاشىقتىقتا ورنالاسقان باۋتين ايلا­عىنا بارىپ قىز­مەت ەتۋ اق­تاۋ قالاسىندا تۇراتىن اسكەري قىزمەتكەرلەر ءۇشىن قولايسىزدىق تۋدىرىپ كەلگەن ەدى. كە­مەلەر بۇرىن تولىق اسكەري دايىندىققا كەلۋ ءۇشىن  التى ساعات ۋاقىت كەرەك بولسا, ەندى نەبارى ەكى ساعاتتا ساقاداي-ساي بولا الادى. سونداي-اق, كاسپي تەڭىزىنىڭ قازاقستاندىق سەكتورىندا بولۋى مۇمكىن كەلەڭسىزدىكتەردىڭ دەر كەزىن­دە الدىن الۋعا, اسكەري-تەحني­كالىق قاۋىپ­سىز­دىكتى قام­تاماسىز ەتۋگە مۇمكىندىك تۋدىر­دى. وعان قوسا, بۇل كاسپي تەڭى­زىنىڭ قازاقستاندىق سەكتو­رىن­داعى ىقتيمال كەلەڭ­سىزدىك­تەردىڭ دەر كەزىندە الدىن الۋ­عا اسكەري-تەحنيكالىق قاۋىپ­­سىزدىكتى قامتاماسىز ەتەدى. قازاقستان رەسپۋبليكاسى قارۋلى كۇشتەرى اسكەري-تەڭىز كۇشتەرىنىڭ باس قولباس­شىسى, ۆيتسە-ادميرال جان­داربەك جان­زاقوۆتىڭ ايتۋىنشا, اسكەري تەڭىزشىلەر بۇل تۇراقتى ون جىل كۇتكەن. ايلاقتىڭ جاقىن بولۋى اسكەري تەڭىزشىلەرگە قاتىستى الەۋمەتتىك ماسەلەلەرگە دە وڭ اسەر ەتپەك. ايتۋىنشا, «Antares Platinum» جشس-ءنىڭ جوبالاۋ­ىمەن «اسكەري-قۇرىلىس» اق سالعان جوبالىق قۋاتى 10 اسكەري كەمەگە ارنالعان ايلاقتا قازاقستان رەسپۋبليكاسى ۇقك شەكارا قىزمەتى جاعا­لاۋ كۇزە­تىنىڭ كەمەلەرى دە ورنا­لاسپاق. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى