ماقسات – قانداستاردى وقۋعا ازىرلەۋ

وبلىس ورتالىعىنداعى س.تورايعىروۆ اتىنداعى مەملەكەتتىك ۋنيۆەرسيتەتتىڭ «Foundation» فاكۋلتەتىنە ءبىلىم الۋعا 2014 جىلدىڭ قازان ايىندا 50 تىڭداۋشى جاس كەلسە, بيىلعى وقۋ جىلىندا دايارلىق بولىمىنە 78 تىڭداۋشى قابىلدانىپتى. ال «دۇنيەجۇزى قازاقتارى قاۋىمداستىعى» رەسپۋبليكالىق قوعامدىق بىرلەستىگى وبلىستىق فيليالى وتكىزگەن كەزدەسۋدە قىتاي, موڭعوليا جانە وزبەكستاننان كەلگەن ستۋدەنت جاستار وقۋ بىتىرگەن سوڭ اتا-بابالارىنىڭ قاسيەتتى جەرىندە قالىپ, قىزمەت ەتىپ, ۇرپاق ءوسىرۋدى ماقسات ەتەتىندەرىن ايتتى. جالپى, «Foundation» فا­كۋلتەتى 2012 جىلدىڭ قىر­كۇيەگىندە بولون ۇدەرىسىنىڭ نەگىزىندە جاڭا فورماتتا ءبىلىم بەرۋ باعىتىندا قۇرىلدى. فاكۋلتەت دەكانى ساۋلە كى­سەمباەۆانىڭ ايتۋىنشا, باس­تى ەرەكشەلىگى – ەلىمىز ءۇشىن ب­اسەكەگە قابىلەتتى ماماندار دايارلاۋ, ءبىلىم الۋشىلار­دى دايىندىق كۋرستارى ار­قىلى كەشەندى تەستىلەۋگە دايار­لىقتارىن تەرەڭدەتۋ, شەتەلدىك قازاق دياسپوراسىنىڭ وكىل­دەرىن, ورالماندار مەن شەتەل ازاماتتارىنا تىلدەردى وقىتۋ, قازاقستاندىق بىلىمگە بەيىم­دەۋ. 2014 جىلى ءبىلىم العان تىڭداۋشىلاردىڭ 29-ى ەلىمىزدىڭ جوعارى وقۋ ورىندا­رىنا ءتۇسىپتى. قا­زىر­گى كەزدە فاكۋلتەتتە شەت­ەلدىك قازاق ستۋدەنتتەرى, كۇن­دىزگى دايىن­دىق كۋرستاعى تىڭ­داۋشىلار, قا­شىقتىقتان ءبىلىم الۋشىلار, بازالىق سى­نىپ وقۋشىلارى, كەشكى دايىندىق كۋرستاردىڭ تىڭ­داۋشىلارى ءبىلىم الادى. فاكۋلتەت ەلباسىنىڭ قول­داۋىمەن «شەتەلدە تۇراتىن وتانداستاردى قولداۋدىڭ مەم­لەكەتتىك باعدارلاماسى» اياسىندا اشىلدى. باعدارلاما قازاق دياسپوراسى وكىلدەرى مەن ورالماندار ءۇشىن جالپى ءبىلىمنىڭ دايىندىق دەڭگەيىن ارتتىرۋ ماقساتىندا جانە ولارعا جوعارى جانە ورتا كا­سىپ­تىك وقۋ ورىندارىنا ءتۇ­سۋگە قاجەتتى جاعدايدى جاساۋ ماق­ساتىن كوزدەيدى. شەتەلدەن كەلىپ ءبىلىم ال­عى­سى كەلەتىن قازاق جاستارىن باۋىرمالدىقپەن قارسى الىپ, ولاردىڭ ءوز ەلىندە وگەي­­سىمەي, اتا-بابالارىنىڭ جەرىنەن ءوز ورىندارىن تاۋىپ, اتامەكەندەرىندە قالۋلارىنا س.تورايعىروۆ اتىنداعى ۋنيۆەرسيتەت پەن «دۇنيەجۇزى قا­زاقتارى قاۋىمداستىعى» رەس­پۋبليكالىق قوعامدىق ءبىر­لەستىگىنىڭ وبلىستىق فيليالى ەرەكشە قىزمەت جاساۋدا. فاريدا بىقاي, «ەگەمەن قازاقستان» پاۆلودار