وتاننىڭ التىن ارقاۋى

كونستيتۋتسيا كۇنىنە بايلانىستى رەسپۋبليكامىزدىڭ تۇكپىر-تۇكپىرىندە ءماندى دە ءساندى ءتۇرلى شارالار بولىپ ءوتتى الماتى_______________________ تاۋەلسىزدىگىمىزدى تەربەتكەن الما­تى ءۇشىن اتا زاڭىمىزدى ۇلىقتاۋعا ارنالعان مەرەكە – ەڭ مارتەبەلى دە, مە­رەيلى شارالار قاتارىنان ورىن الا­دى. بيىل دا وڭتۇستىك استانا بۇل كۇنگە جاقسى دايىندىقپەن كەلدى. مە­رەكەلەر مەن مەرەكەلەر اراسىن­دا­عى جەتىستىكتەر مەن جاقسىلىقتار ءتۇ­گەن­دەلىپ, قالا تۇرعىندارىن قۋا­نىش­قا بولەگەن شارالار تاڭەرتەڭگى 9-دان باستالدى. الماتىلىقتار, الدىمەن, كونستيتۋتسيا كۇنىنە ارنالعان استانا­دا­عى اسكەري شەرۋ مەن ەلباسى نۇر­سۇل­تان نازارباەۆتىڭ  ارنايى قۇت­تىق­تاۋ­ىن ون-لاين رەجىمىندە تاما­شالا­دى.  ەلوردادان جولدانعان مەم­لەكەت باسشىسىنىڭ يگى لەبىزى قالانىڭ جەتى اۋدانىنداعى حالىق كوپ جينالاتىن جەرلەرگە قويىلعان ارنايى ەكران­دار­دان سالتانات قۇ­رىپ تۇردى. قالاداعى باستى شارا «استانا» الاڭىندا وتكىزىلدى. وسى جەردە اسكەري ۋچيليششەلەر كۋرسانتتارىنىڭ كونستيتۋتسيا كۇنىنە ارنالعان شەرۋى ءوتتى. اسكەري شەرۋدەن سوڭ  قازاق­ستان­دىق ەسترادا جۇلدىزدارىنىڭ  ۇلت­تىق رۋحتاعى اندەرى اسقاقتادى. ەسكەندىر حاسانعاليەۆ, التىنبەك قو­راز­باەۆ, ناعيما ەسقاليەۆا, جاننا ورىنباساروۆا, نۇرلان البان, الماس كىشكەنباەۆ تاعى دا باسقا انشىلەر اننەن شاشۋ شاشتى. ورازانىڭ ايت كۇنىنە ۇلاسقان وسى­ناۋ تاماشا مەرەكەنى كەشكە قا­راي «بيتلز» توبىنىڭ اندەرى فەستيۆالدى جالعاستىردى. كونستيتۋتسيا كۇنىن تويلاۋ  كەشكى اقشامدا مەرەكەلىك وتشاشۋمەن اياقتالدى. كوكشەتاۋ____________________ اتا زاڭنىڭ باستى قۇندىلىعى – ۇرپاق تاربيەسىن بيىكتەتۋىندە. بەلگىلى دارەجەدە وسىناۋ قاستەرلى مىندەت مەكتەپ موينىنا جۇكتەلگەن. مەكتەپتى تاربيەنىڭ بەسىگى, بولاشاقتىڭ ەسىگى دەيتىنىمىز دە سوندىقتان. بۇل تۇرعىدا, بيىل كەڭوتكەل اۋى­لىنىڭ باقىتى جانىپ تۇر. وسىدان 32 جىل بۇرىن سالىنعان ەسكى مەكتەپ اۋىل ەڭسەسىن ءتۇسىرىپ تۇراتىن. ەندى, مىنە, كونستيتۋتسيا مەرەكەسى كۇنى 80 ۇيلىك اۋىل قۋانىشقا بولەنىپ, تۇگەل­دەي قايتا جوندەلگەن كەڭوتكەل نەگىزگى مەكتەبىنىڭ ەسىگى ايقارا اشىلدى. وعان اۋدان  بيۋدجەتىنەن 18 ميلليون تەڭگە ءبولىنىپ, ۇقىپتىلىقپەن جۇم­سالدى. جيھازدارىنىڭ بارلىعى جاپ-جاڭا. عالامتورعا قوسىلعان كومپيۋتەر سىنىبى, كىتاپحانا, اسحانا, زا­مانالىق وقۋ بولمەلەرى وسىنداعى 48 وقۋشىنىڭ يگىلىگىنە دە قىزمەت ەتۋدە. ءبىرىنشى سىنىپقا ءۇش-اق بالا بارادى ەكەن. ەسەسىنە مەكتەپ جانىنان «اراي» شاعىن ورتالىعى قوسا اشى­لىپ, 25 بالا تاربيەلەنۋدە. بولاشاق دەگەنىمىز وسى. اۋىل قۋانىشىنا وبلىس اكىمى س. دياچەنكو مەن اۋدان اكىمى ە.ساعديەۆ  ورتاقتاسىپ, سىي-ساۋعالارىن تاپ­سىر­دى. تالدىقورعان _______________ ەلىمىزدىڭ بارلىق وڭىرلەرىن­دەگىدەي, تالدىقورعاننىڭ ورتالىق الاڭىندا كونستيتۋتسيامىزدىڭ قا­بىل­دانعانىنا 16 جىل تولۋىنا ار­نال­عان سالتاناتتى شارالار ءوتتى. مەم­لەكەتتىك ءانۇران اۋەنىمەن جيىر­ما جىگىت پەن قىز ەلىمىزدىڭ كوك باي­را­عىن الاڭعا الىپ شىقتى. بۇدان كەيىن مەرەكەگە جينالعاندار الدىندا الماتى وبلىسىنىڭ اكىمى اڭسار مۇساحانوۆ قۇتتىقتاۋ ءسوز سويلەدى. مەرەكەلىك باعدارلامانى وبلىس ۇيىمدارى مەن مەكەمەلەرىنىڭ سال­تا­ناتتى شەرۋى جالعاستىردى. ءتۇرلى-ءتۇستى شارلار مەن جالاۋشالاردى كوتەرگەن ولار ۇرانداتىپ, ورتالىق الاڭنان ءوتتى. مەرەكە سوڭى كەشكە جاستار ديسكوتەكاسىنا ۇلاسىپ, وتشاشۋمەن اياقتالدى. اقتوبە _______________________ اقتوبە قالاسىندا كونستيتۋتسيا كۇنىنە بايلانىستى مەرەكەلىك سالتا­نات­تىڭ شىمىلدىعى قر تۇڭعىش پرەزيدەنتى اتىنداعى ساياباقتاعى تۋ­تۇ­عىر الدىندا وبلىستىق پەداگو­گي­كا­لىق جەتىستىكتەر كونكۋرس-مارا­فو­نىنىڭ جەڭىمپازدارىن ماراپات­تاۋمەن اشىلدى. قىرىق ءبىلىم بەرۋ ۇيىمىنىڭ ارقايسىسىنا 500 مىڭ تەڭ­گە جانە 916 مۇعالىمنىڭ ءار­قاي­سى­سى­نا وبلىس اكىمىنىڭ (120 مىڭ تەڭگە) سىيلىعىن ءوڭىر باسشىسى ارحيمەد مۇحامبەتوۆ سالتاناتتى جاعدايدا تاپسىردى. «تابيعات سىي» باۋ-باقشا ونىمدەرىنىڭ, گۇلدەر كورمەلەرى جانە «قىزاناق مەرەسى» كونكۋرسى ۇيىم­داس­تىرىلدى, كونتسەرتتىك باعدارلا­ما­لار ۇسىنىلدى. ورال___________________________ كونستيتۋتسيا كۇنى قۇرمەتىنە وراي ورال قالاسىندا «قازاقستاننىڭ ءۇز­دىك تاۋارى» ايماقتىق بايقاۋ-كور­مە­سى مارەگە جەتتى. ونىڭ باستى ماقساتى – وتاندىق ءونىمنىڭ ساپاسىن جاقسارتۋ, جەرگىلىكتى تاۋار وندىرۋشىلەردى ءبا­سە­كە­لەستىك ورتاعا بەيىمدەۋ جانە ولار­دى حالىقارالىق ساپا ستاندارت­تا­رى­نا كوشۋگە باعىتتاۋ بولىپ تابى­لا­دى. ءىس-شارا تالاپتارىنا ساي اق­جايىق ءوڭىرىنىڭ جيىرما الدىڭعى قاتارلى كاسىپورنى «ۇزدىك وندىرىستىك تاۋارلار, «ۇزدىك حالىقتىق تاۋارلار» جانە «ۇزدىك ازىق-ت ۇلىك تاۋارلارى» اتالىمدارى بويىنشا سىنعا ءتۇستى. بايقاۋ قورىتىندىسىندا ارنايى كوميسسيا جاڭا تەحنولوگيا مەن سا­پا­نى باسقارۋدىڭ ءتيىمدى ادىستەرىن ءوندى­رىس­كە ەنگىزگەن ۇزدىكتەردىڭ ۇزدىگىن تاڭ­داپ الدى. ەندىگى جەردە ونىڭ جە­ڭىمپازدارى ەلباسىنىڭ «التىن ساپا» سىيلىعىن الۋ ءۇشىن باق سىناۋعا قاتىسپاق. ولاردىڭ قاتارىندا «گيدروماش-وريون», «سترويكومبينات», «ءالىم», «ورال ساۋدا-ونەركاسىپ كوم­پا­نياسى», «التيمسترويدەتال» جانە «رودنيك» جشس بار. اتا زاڭىمىز بىزگە, ەڭ الدىمەن, الاڭسىز ەڭبەك ەتۋگە, ونىڭ يگىلىگىن كورۋگە, اركىمنىڭ بويىندا بۇعىپ جات­قان جەكە قارىم-قابىلەتىن اشۋىنا شەكسىز مۇمكىندىكتەر بەرىپ وتىر. تاۋار وندىرۋشىلەر سايىسى دا كونستيتۋتسيا بەرگەن قۇقىقتار اياسىندا ءداس­تۇر­گە اينالىپ كەلەدى. وسى ارقىلى ءبىز ءوز ونىمدەرىمىزدى ەكسپورتقا شىعارۋدىڭ ۇتىمدى ادىستەرىن بەلگىلەي الدىق. ءارى بەرەرى مول بۇل ءىس ءوزارا تاجىريبە الماسۋ مەكتەبىنە جانە جاڭا ءارىپ­تەس­تەر تابۋ جولىنداعى تاپتىرماس الاڭ­عا اينالدى, دەپ مالىمدەدى گازەت تىلشىسىنە باتىس قازاقستان قۇرىلىس ماتەريالدارى كورپوراتسياسى ماركەتينگ جانە لوگيستيكا ءبولىمىنىڭ باستىعى اينۇر فايزۋللينا. تاراز__________________________ كونستيتۋتسيا قۋانىشى وبلىستا – ەلباسى – قارۋلى كۇشتەردىڭ جوعار­عى باس قولباسشىسى ن.نازار­باەۆ­تىڭ قاتى­سۋى­مەن استانا تورىندە وتكەن اسكەري شەرۋدەن كورسەتىلگەن تىكەلەي حابار­دى كوپشىلىك بولىپ تاماشالاۋمەن باستالدى. بۇدان كەيىن وبلىس اكىمى ق.بوزىمباەۆ جۇرتشىلىق الدىندا اتا زاڭ  اياسىندا اتقارىلىپ جاتقان يگىلىكتى ىستەر مەن قول جەتكەن تابىستار تۋرالى ءسوز سويلەدى. بۇگىندە اۋليەاتا ءوڭىرى تۇرعىن­دا­رىنىڭ بەرەكە-بىرلىگى مەن تاتۋ-ءتاتتى تىرلىگىنىڭ ناتيجەسىندە وبلىس ەكو­نو­مي­كاسى مەن الەۋمەتتىك جاعدايى جاق­سارا ءتۇستى. ەلىمىزدىڭ ۇدەمەلى يننو­ۆاتسيا­لىق-يندۋستريالىق دامۋ باعدارلاماسى شەڭبەرىندە قۇنى 135 ملرد. تەڭگە بولاتىن 19 جوبا قولعا الىنسا, ونىڭ قۇنى 23,2 ملرد. تەڭ­گەنى قۇرايتىن 8 جوباسى ىسكە بيىل اسىرىلماق. قوعامدىق دامۋىمىزدىڭ تۇبەگەي­لى قاعيداتتارىن ايقىنداپ بەرگەن اتا زاڭ ارقاسىندا بۇگىندە وبلىستا 21 ۇلتتىق-مادەني ورتالىق, رەسپۋب­لي­كالىق 9 ساياسي پارتيانىڭ في­لي­الدارى, 500-دەن استام ۇكىمەتتىك ەمەس ۇيىمدار مەن 400-گە جۋىق ءدىني بىرلەستىكتەر جۇمىس ىستەۋدە. سونداي-اق, اتا زاڭ اياسىندا سالتانات قۇرعان بىرلىك پەن تىرلىكتىڭ بەرەكە مەن مەرەكەگە باستار ناتيجەسىنىڭ جارقىن مىسال­دارى­نىڭ ءبىرى, جاقىندا تالاس اۋدا­نى­نا قاراستى تامابەك قارتاباەۆ اتىن­داعى جانە كوشەك باتىر اۋىل­دارىندا جاڭا مەكتەپتەر بوي كوتەرىپ, ونداعى اتا-انالار مەن ۇستازدار جانە وقۋشىلار ۇلكەن قۋانىشقا كەنەلدى. وبلىس ورتالىعىنىڭ شالعايلىعىنا قاراماستان, جوعارى وركەنيەت تالا­بى­­نا ساي سالىنىپ, جاڭا وقۋ جانە سپورت­تىق قۇرال-جابدىقتارمەن جاب­دىق­تالعان بۇل مەكتەپتەردىڭ قابىر­عا­سىندا وقىعان وقۋشىلارعا ساپالى ءبىلىم, سانالى تاربيە الۋعا بارلىق جاعداي جاسالعان. ءبىر سوزبەن ايتقاندا, اتا-بابالار ارمانداعان بارلىق يگىلىكتەردى بۇگىن­دە اتا زاڭىمىز استانا مەن اۋىلعا دەيىنگى ارالىقتىڭ بارىندە اقيقاتقا اينالدىرۋدا دەسە, ەشكىمنىڭ دە قاتەلەسپەسى انىق. قوستاناي_____________________ قوستاناي قالاسىندا بىكوۆسكي اتىنداعى كوشە بار. اڭگىمە ونىڭ اتىندا ەمەس, زاتىندا بولىپ تۇر. قا­لانىڭ شەتكى شاعىن اۋدانىندا ورنا­لاسقان وسى كوشەمەن جۇرگەننىڭ ءوزى ءبىر عانيبەت. ەكى جاعىنا شىنار اعا­شى ءتىزىلىپ وسكەن كوشەنىڭ بويىنداعى ۇيلەردىڭ اۋلالارىن گۇلزارلار كوم­كەرىپ تۇر. كوشەنى دە, اۋلالاردى دا بۇلاي كوركەمدەگەن قالا اكىمشىلىگىنىڭ كوم­مۋنالدىق ماسەلەلەر جونىندەگى كا­سىپ­ورىندارى ەمەس, تۇرعىنداردىڭ ءوزى. وسىنداعى №7 ۇيدە كوپتەن تۇ­رىپ كەلە جاتقان دميتري ستەپانوۆيچ حيليچەنكو اقساقال قولىنا كۇرەك الىپ, اۋلاعا گۇل ەگە باستاپ ەدى, بارلىق تۇرعىندار ونىڭ سوڭىنان ەردى. اقىرىندا, ءبىر ادامنىڭ باستا­ما­سى قورشاعان ورتانى قورعاۋ شارا­سىنا ۇلاستى. ەلىمىزدىڭ كونستيتۋتسياسى كۇنى مەرەكەسىندە ادامدار اتا زاڭىمىزدىڭ تەك قۇقىق قانا بەرىپ قويماي, وتا­نى­مىزدىڭ گۇلدەنۋى ءۇشىن كوپ نارسەگە مىندەتتەيتىنىن تۇسىنسە يگى. بى­كوۆ­سكي كوشەسى تۇرعىندارىنىڭ باستا­ماسى سونىڭ كىشكەنتاي عانا مىسالى, دەيدى «نۇر وتان» حدپ قوستاناي قالالىق فيليالىنىڭ ءتورايىمى ريمما بەكتۇرعانوۆا. كونستيتۋتسيا كۇنى مەرەكەسىن بىكوۆسكي كوشەسىنىڭ تۇرعىندارى وزدەرى جاساعان الاڭقايدا مەرەكەلەدى. قىزىلوردا__________________ الاش جۇرتىنىڭ ارقا سۇيەرى – اتا زاڭ. ءاربىر قازاقستاندىقتىڭ  قۇقىن ساقتايتىن قۇندى قۇجاتتىڭ قابىلدانعانىنا دا بيىل 16 جىل تولىپ وتىر. ورازا ايتتىڭ العاشقى كۇنىمەن تۇسپا-تۇس كەلگەن كونستيتۋتسيا كۇنىن قىزىلوردالىقتار ءوز دەڭگەيىندە اتاپ ءوتتى. اتا زاڭنىڭ ايبارىن اسىراتىن ءتۇرلى ءىس-شارالار ۇيىمداستىرىلىپ, ول حالىقتىق مەرەكەگە اينالدى. سونداي ءىس-شارانىڭ ءبىرى ستۋدەنتتەر سارايىندا ءوتتى. «كونستيتۋتسيا – ەل تاۋەلسىزدىگىنىڭ نەگىزى» دەپ اتا­لا­تىن سالتاناتتى جيىندا وبلىس اكىمى بولاتبەك قۋاندىقوۆ بايانداما جاساپ, ايماق حالقىن مەرەيلى مەرەكەمەن قۇتتىقتادى. وسى سالتاناتتى جيىن بارىسىندا جۇمىسىنا جاڭا­دان كىرىسكەن بىرنەشە مەملەكەتتىك قىزمەتشى رەسمي تۇردە انت قابىل­دادى. جاقىندا استانادا قازاق كۇرە­سى­نەن «قازاقستان بارىسى» اتتى جا­رىس­تىڭ وتكەنى بەلگىلى. بۇل جارىستى ۇيىمداستىرۋشىلاردىڭ ءبىرى قى­زىل­وردا وبلىسىنىڭ اكىمدىگى ەكەنى دە ايان. كونستيتۋتسيا كۇنى مەرەكەسى قار­سا­ڭىندا «قازاقستان بارىسى» تۇيە بالۋاندار جارىسىندا توپ جارعان ءجۇل­دەگەرلەر قۇرمەتتەلدى. وعان شى­عىس قازاقستاننان ءۇشىنشى ورىن العان شالقار جولامانوۆ پەن ەكىنشى ورىن يەگەرى جامبىلدىق بەيبىت ىستىباەۆتار كەلدى. بۇل ءوزى كەرەمەت كورىنىس بولدى. ءجۇل­دەگەرلەر كورتەجى قاراقۇرىم حا­لىقتىڭ اراسىنا كەلىپ توقتاعاندا ولار­دى قاسقىر ىشىك جامىلعان 50 بالۋان قورشاپ الدى. ءسويتتى دە, قۇر­مەت­پەن ساحناعا الىپ شىقتى. ودان كەيىن اقبوز اتقا قونعان «قازاقستان بارىسى» ۇلان رىسقۇل مەن ونىڭ باپكەرى سادىق مۇستا­فاەۆتاردىڭ توبەسى كورىندى. الاڭعا جينالعان مىڭداعان حالىقتىڭ قو­شەمەتى ولاردى كوككە كوتە­رىپ جىبەردى. سالتاناتتى شارا بارىسىندا شالقار جولامانوۆقا 10 مىڭ, بەيبىت ىستىباەۆقا 30 مىڭ اقش دوللارى تابىس ەتىلدى. ال «قا­زاق­ستان بارىسى» اتانعان ۇلان رىس­قۇلعا 120 مىڭ دوللار سىياقى بەرىلدى. سونىمەن قاتار, وبلىس اكىمى بولاتبەك قۋاندىقوۆ سىر ءوڭىرىنىڭ مەرەيىن تاسىتقان بالۋانعا ەلىمىزدىڭ كەز كەلگەن قالاسىنان پاتەر الىپ بەرەتىن بولدى. جانە اي سايىن 300 مىڭ تەڭگە كولەمىندەگى بىرجىلدىق ستيپەنديا تاعايىندادى. ۇلىقتاۋ ءراسىمىنىڭ سوڭىندا ءان­ۇران ورىندالىپ, الاڭ تولى حالىق «مەنىڭ قازاقستانىمدى» شىرقادى. مەرەكەلىك شارا وتشاشۋعا ۇلاسىپ, ەسترادا جۇلدىزدارىنىڭ كونتسەرتىمەن جالعاسىن تاپتى. شىمكەنت ____________________ كونستيتۋتسيا كۇنى شىمكەنت قا­لا­سىندا قازاقتىڭ ءۇش ۇلى ءبيىنىڭ اتىن­داعى كوشەلەر توعىساتىن ور­دا­باسى الاڭىندا سالتاناتپەن اتا­لىپ ءوتتى. وبلىس اكىمى اسقار مىر­زاح­مەتوۆ قۇتتىقتاۋ سوزىندە تاۋەل­سىز قازاق­ستان­نىڭ جيىرما جىل ءىشىن­دە عا­سىرعا بەرگىسىز جولدى ءجۇ­رىپ وتكەنىن ايتتى. ونىڭ ناتيجەسىن حالىق كورىپ وتىر. تەك ءبىلىم سا­لاسىندا عانا ءۇش جىلدىڭ باس-اياعىندا 164 نىسان پايدالانۋعا بەرىلگەن. بيىل جىل سوڭىنا دەيىن 58 عي­ما­رات ىسكە قوسىلادى. ال 25 تامىزدان 1 قىركۇيەككە دەيىن 36 الەۋمەتتىك نىسان ەسىگىن ايقارا اشپاق. مۇنداي الاپات قۇرىلىستار وڭ­تۇس­تىكتىڭ ومىرىندە بولعان ەمەس. مەكتەپتەر, بالاباقشالار جانە مەديتسي­نا­لىق مەكەمە بيۋدجەت ەسەبىنەن سا­لى­نىپ جاتىر. قازاقتىڭ اتىمتاي جو­مارت­تارى دا ايانىپ جاتقان جوق. «وسىنىڭ ءبارى اينالىپ كەلگەندە حالىق يگىلىگى ءۇشىن», دەيدى ارداگەر جۋر­ناليست, دۇنيەجۇزى قازاقتارى قاۋىم­داستىعىنىڭ وڭتۇستىكتەگى في­لي­الىنىڭ توراعاسى بايدۋللا قونىس­بەكوۆ. پەتروپاۆل ___________________ كونستيتۋتسيا مەرەكەسىندە شال­عاي­داعى عابيت مۇسىرەپوۆ اۋدانى ادام جانىن جادىراتاتىن ايتارلىق­تاي جاڭالىقتارعا تولى بولدى.  اتاپ ايتقاندا, «100 مەكتەپ, 100 اۋرۋحانا» مەملەكەتتىك باعدارلاماسى ايا­سىن­دا  ءبىر اۋىسىمدا 90 ادامدى قا­بىلدايتىن 100 ورىندىق اۋدانارالىق تۋبەركۋلەز ديسپانسەرى ىسكە قوسىلدى. ونى  سالىپ, قاجەتتى قۇرال-جاب­دىق­تا­رىن ورناتۋعا 1,5 ميلليارد تەڭگە جۇمسالدى. وبلىس اكىمى سەرىك ءبىلا­لوۆ اق حالاتتى دارىگەرلەرگە  «جەدەل جاردەم» جەڭىل كولىگىن تارتۋ ەتتى. اۋدان ورتالىعىندا  وبلىستىق قازى­نا­دان بولىنگەن 125 ميلليون تەڭگەگە 18 پاتەرلى  كوممۋنالدىق-جالگەرلىك تۇر­عىن ءۇي تۇرعىزىلدى. ول ءبىرىنشى كەزەكتە  كوپ بالالى جانە از قام­تىل­عان وتباسىلارعا, بيۋدجەت قىزمەت­كەرلەرىنە بەرىلدى. «وتان سوعىسى», ەڭبەك قىزىل تۋ وردەندەرىنىڭ, بىرنەشە  مەدالداردىڭ يەگەرى  ءايىپ  انافين اقساقال, بالا كەزىنەن مۇگەدەك  انەل مەن جانەل سۇگىرباەۆالار, جاس مامان اجار ساعىمبەكوۆا, تاعى باس­قالارى جايلى پاتەرلەرگە يە بولدى. ورتالىق الاڭدى جاڭعىرتۋعا 5 ميلليون تەڭگە قاراستىرىلىپ, تاۋەل­سىز­دىكتىڭ 20 جىلدىعى  اتىنداعى ساياباق اشىلدى. جۇرتشىلىقتىڭ جۇمىلۋى­مەن جاس كوشەتتەر وتىرعىزىلدى. «جاستار» ستاديونىن قالپىنا كەلتىرۋگە 42 ميلليون تەڭگە جۇمسالىپ, تۇساۋكەسەرى ءوتتى. ءبىر توپ  ەڭبەك ارداگەرى مەن وزاتتارىنا  «اۋداننىڭ قۇرمەتتى ازاماتى» اتاعى سالتاناتتى جاعدايدا تاپسىرىلدى. وسكەمەن______________________ شىعىس قازاقستان وبلىسىنىڭ اۋداندارى مەن قالالارى اتا زاڭى­مىز­عا ارنالعان مەرەكەلىك شارالار­دى ەل ەسىندە قالارلىقتاي اتاپ ءوتتى. وسكەلەڭ قالا وسكەمەندە مەرەكە قار­سا­ڭىندا ەل تاۋەلسىزدىگىنىڭ 20 جىلدىعى قۇرمەتىنە «التاي – تۇركى الەمىنىڭ التىن بەسىگى» اتتى حا­لىقارالىق فورۋم ۇيىمداستىرىلدى. ال 30 تامىزدا ورتالىق رەسپۋبليكا الاڭىندا قالا تۇرعىندارىنىڭ قاتى­سۋىمەن شەرۋ بولدى. وبلىس اكىمى بەردىبەك ساپارباەۆ ايتۋلى مەرەكەمەن جينالعانداردى, حالىقارالىق مۇشايراعا قاتىسۋشى اقىنداردى قۇتتىقتادى. سول كۇنى 9 مەملەكەتتىڭ وكىلدەرى قاتىسقان ءىى حالىقارالىق بال فەستيۆالى وتكىزىلدى. اتا زاڭىمىز جانە ەل تاۋەل­سىز­دى­گىنىڭ 20 جىلدىعىنا ارنالعان ح ازيا جانە تىنىق مۇحيتى جاعالاۋى ەلدەرىنىڭ قول كۇرەسىنەن چەمپيوناتى ءتورت كۇن بويى قالا تۇرعىندارىن بەي-جاي قالدىرمادى. قازاقستان قۇراماسى تاعى دا باس جۇلدەنى جەڭىپ الدى. تارازدىق دميتري ترۋبين ەڭ جوعارى سالماقتا قارسىلاستارىن شاڭ قاپتىردى. كەلەسى جىلى الماتىدا قول كۇرەسىنەن الەم چەمپيوناتى ءوت­پەك. ول ازيا قول كۇرەسى فەدە­را­تسيا­سىنىڭ پرەزيدەنتى, جەرلەسىمىز مۇقان اعزاموۆتىڭ 60 جىلدىق مەرەيتويىنا ارنالماق. كەشكىلىك ەرتىس وزەنى بوي­ىندا امفيتەاتر, عاشىقتار اللەياسى, تمد ەلدەرىندە بالاماسى جوق داۋىس جازاتىن ستۋديا, ەكولوگيالىق مونيتورينگ ورتالىعىن ءوڭىر باسشىسى بەردىبەك ساپارباەۆ اشىپ, جينال­عان­دار «مۇزارت» توبىنىڭ, ازىلقوي تۇرسىنبەك قاباتوۆتىڭ جانە جەرگىلىكتى ونەرپازداردىڭ كونتسەرتىن تاما­شالادى. «ەگەمەن قازاقستاننىڭ» تىلشىلەرى.