ءدىني ساۋاتتى ارتتىراتىن كىتاپتار

يسلام مادەنيەتى مەن ءبىلىمىن قولداۋ قورى قازاقستان مۇسىل­ماندارى ءدىني باسقارماسىن قاجەتتى ءدىني كىتاپتارمەن قامتا­ما­سىز ەتۋ جۇمىستارى ۇزدىكسىز جۇرگىزىپ كەلەدى. بۇگىنگى كۇنگە دەيىن قور تاراپىنان بارلىعى 153 000 دانا كىتاپ جانە 275 000 كىتاپشا جارىق كورىپ, جۇرتشىلىقتىڭ قولىنا تيگەن ەكەن. سونىمەن قاتار, قور باسشىلىعى بۇگىنگى تاڭدا قوعامنىڭ الدىندا تۇرعان رۋحاني ماسەلەلەر, ونىڭ ىشىندە يسلامدا جاڭا اعىمداردىڭ پايدا بولۋى, سول اعىمداردى ۇستاناتىندار قاتارىنىڭ وسۋىنە توسقاۋىل جاساۋ, جاستاردىڭ اراسىنداعى قىلمىس پەن ءوز-وزىنە قول جۇمساۋدىڭ الدىن الۋعا باعىتتالعان ءدىني ونىمدەر شىعارۋ جۇمىستارىن جۇرگىزۋ ۇستىندە. سونداي رۋحاني دۇنيەلەردىڭ قاتارىندا ش.ادىلباەۆانىڭ «سۇننەت سالتىمىز, حاديس عۇرپىمىز», س.سەيىتبەكوۆتىڭ «يمان نەگىزدەرى» دەگەن كىتاپتارىن اتاۋعا بولادى. بۇل قۇندىلىقتاردىڭ ارقايسىسى قازاق تىلىندە 35 000 دانادان باسىلىپ شىققان ەكەن. ونىڭ 25 000 داناسى قمدب مەشىتتەرىنە جىبەرىلسە, قالعان 10 000 داناسى تۇرعىندارعا تەگىن تاراتىلۋدا كورىنەدى. قور سونداي-اق, حالىقتىڭ ءدىني ساۋاتىن ارتتىرۋ, تەرىس پيعىلدى اعىمداردىڭ  شىعۋ تاريحى جانە ونىڭ قوعامىمىزعا كەرى ىقپالىنىڭ الدىن الۋ ماقساتىندا «مۇسىلمان ومىرىندەگى مىندەتتەر-قاعيداتتار-مىنەز-ق ۇلىق ۇلگىلەر», «بالا تاربيەسى بەسىكتەن باستالادى», «مۇسىلمان سيپاتى» جانە «وبيازاتەلستۆا ي پرينتسيپى ۆ جيزني مۋسۋلمانينا» دەگەن كىتاپشالار ازىرلەپ, بۇلاردىڭ ارقايسىسىن 50 000-100 000 دانامەن شىعارىپ, تەگىن تاراتۋدى ماقسات ەتىپتى. «ەگەمەن-اقپارات».