مۇندا كەزەكشى پروكۋرورلار ازاماتتاردى قابىلداپ, ولارعا كەڭەس بەرىپ, وتىنىشتەردى جازۋ بارىسىندا كومەك كورسەتەدى. سونداي-اق, ازاماتتارعا پروكۋراتۋرانىڭ بارلىق دەڭگەيدەگى باسشىلارىنىڭ قابىلداۋىنا جازىلۋعا مۇمكىندىك تۋعىزىلعان. ازاماتتار وتىنىشتەرىنىڭ قارالۋ بارىسى جايلى اقپارات پەن جاۋاپتاردىڭ كوشىرمەلەرىن دە الا الادى.
بۇل جاڭا ورتالىق كۇتۋ ورنىمەن جانە ەلەكتروندى كەزەكپەن جابدىقتالىپتى.
ورتالىق جۇمىسىن قوناقتارعا تانىستىرۋ بارىسىندا وسى ورتالىق باسشىسى – باس پروكۋروردىڭ اعا كومەكشىسى ساعاتبەك سۇلەيمەن: «باس پروكۋرور جاقىپ اسانوۆتىڭ تاپسىرماسىمەن اعىمداعى جىلدىڭ ساۋىرىنەن باستاپ تەستىلىك رەجيمدە جۇمىس جاساي باستاعان ازاماتتاردى قابىلداۋ ورتالىعى قۇرىلدى. ءبىز بۇگىن رەسمي تۇردە ونىڭ تۇساۋىن كەسىپ وتىرمىز. بۇل حالىقپەن جۇمىس جاساۋدىڭ ساپاسىن جاقسارتۋداعى قادامداردىڭ ءبىرى جانە بىرەگەيى بولىپ تابىلادى. جىلدىڭ اياعىنا دەيىن وڭىرلەردە دە وسىعان ۇقساس جاعداي جاساۋدى جوسپارلاپ وتىرمىز», – دەدى. ال اەاجقس قر ارنايى ەسەپكە الۋ جانە قۇقىقتىق ستاتيستيكا كوميتەتىنىڭ توراعاسى باعدات مۋسين ورتالىق قۇرۋ تۋرالى ويدىڭ جۇزەگە اسقانى تۋرالى كەڭىنەن تارقاتا اڭگىمەلەپ بەردى.
ء«بىزدىڭ قىزمەتكەرلەر وسى كەڭىستىكتى, ەڭ الدىمەن, وزدەرى سەزىنۋى ءتيىس. حالىققا قىزمەت كورسەتۋ ورتالىقتارى سەكىلدى ءبىز حالىققا قىزمەت ەتۋىمىز كەرەك, بۇل ءۇشىن سەرۆيستىك احۋال قالىپتاستىرۋىمىز قاجەت جانە پروكۋرورلار دا وسىعان بەت بۇرعانى ءجون. جاقىن ارادا ىسكە قوسىلاتىن قۇقىق قورعاۋ قىزمەتىنىڭ ورتالىعىندا دا سەرۆيستىك جەتىلدىرۋدى ۇسىناتىن بولامىز», – دەدى ب.مۋسين.
قازاقستان رەسپۋبليكاسى باس پروكۋراتۋراسىنىڭ 115 سall-ورتالىعى دا وزگەرىستەردەن تىس قالمادى, وندا بيزنەس-پروتسەستەر جەتىلدىرىلدى. بۇل ورايدا باس پروكۋراتۋرانىڭ ارىز-شاعىمداردى قاراۋ تۋرالى زاڭداردىڭ قولدانىلۋىنا قاداعالاۋ جانە ءىس جۇرگىزۋ باسقارماسىنىڭ باستىعى جانبولات تۋعانباەۆ: ء«بىز قىزمەتىمىزدى بەلسەندى تۇردە جەتىلدىرىپ كەلەمىز. وتكەن جىلى 73 مىڭنان اسا قوڭىراۋلار قابىلداندى, ولاردىڭ ارقايسىسى ءبىز ءۇشىن وتە ماڭىزدى جانە ءاربىر ءوتىنىش مۇقيات زەردەلەندى», – دەدى.
الەكساندر تاسبولاتوۆ,
«ەگەمەن قازاقستان»
