تالدىقورعاندا قر قارۋلى كۇشتەرىنىڭ 25 جىلدىعىنا وراي اۋعان سوعىسى ارداگەرلەرىنىڭ اراسىندا ۆولەيبولدان رەسپۋبليكالىق تۋرنير باستالدى. ءتۋرنيردى الماتى وبلىسىنىڭ اكىمى اماندىق باتالوۆ اشتى.
«بۇل باسەكە ەل كولەمىندە بۇدان كەيىن دە يگى داستۇرگە اينالىپ, سپورتسۇيەر قاۋىمنىڭ يگى شاراسىنا اينالادى دەپ سەنەمىز», دەدى ءوڭىر اكىمى.
اۋعان ارداگەرلەرى اتىنان «اۋعان سوعىسى مۇگەدەكتەرىنىڭ رەسپۋبليكالىق ۇيىمى» قوعامدىق بىرلەستىگىنىڭ توراعاسى, كەڭەس وداعىنىڭ باتىرى نيكولاي كرەمەنيش ءسوز الىپ, ءتۋرنيردى ۇيىمداستىرۋشىلارعا ريزاشىلىعىن ءبىلدىرىپ, ساتتىلىك تىلەدى.
جالپى, بۇل سپورتتىق جارىستى وتكىزۋ تۋرالى ۇسىنىس وبلىس اكىمى ا.باتالوۆتىڭ وسى جىلدىڭ اقپان ايىندا اۋعان سوعىسى ارداگەرلەرىمەن كەزدەسۋى بارىسىندا ايتىلعان بولاتىن. ۇسىنىسقا اكىمدىك تاراپىنان قولداۋ كورسەتىلىپ, جۇزەگە اسىرىلىپ وتىر. ەلىمىزدىڭ تۇكپىر-تۇكپىرىنەن 9 كوماندا قاتىسقان جارىس ەكى كۇنگە سوزىلادى.
نۇربول الدىباەۆ,
«ەگەمەن قازاقستان»
