حوست-برودكاستەر بارلىق 93 كۇن بويى كورمە اۋماعىنان تەلەۆيدەنيە جانە راديو ارقىلى حابار تاراتاتىن بولادى. «قازاقستان» تەلەارناسى شارانىڭ باسىنان اياعىنا دەيىن تىكەلەي كورسەتىلىم جۇرگىزەدى. تەلەۆيزيالىق سيگنال الدىن الا بەرىلگەن وتىنىمدەر بويىنشا كورمەنىڭ مەديا ورتالىعىنا, قمو جانە شەتەلدىك اقپارات قۇرالدارىنا بەرىلىپ وتىرادى.
كۇن سايىن حالىقارالىق كورمە اۋماعىندا 10 جانە 5 كامەرا جۇمىلدىرىلعان 4 جىلجىمالى تەلەۆيزيا ستانساسى, 2 موبيلدىك سپۋتنيك ستانساسى جۇمىس ىستەيتىن بولادى. جالپى ەكسپو-2017 كورمەسىن اقپاراتتىق سۇيەمەلدەۋگە «قازاقستان» رترك» اق-نىڭ بارلىق تەحنيكاسى مەن 146 تەحنيكالىق قىزمەتكەرى جۇمىلدىرىلادى.
سونىمەن قاتار, Live-رەجيمىندە شارانىڭ اشىلۋ سالتاناتىنان حابار تاراتۋعا بىرنەشە ەۋروپالىق جانە امەريكالىق ارنالار وتىنىمدەرىن الدىن الا بەرىپ قويدى.
«استانا «ەكسپو-2017» برودكاستينگىن ۇيىمداستىرۋداعى باستى ەرەكشەلىك – ءتيىستى ايماقتىق تەلەارنالاردان باستاپ, حالىقارالىق تەلەارنالاردىڭ بارلىعى كورمەدەگى «كارتينانى» تەگىن پايدالانا الادى.
