بۇل ءدəستۇرلى فەستيۆالگە ارنايى شاقىرتۋ العانداردىڭ ءبىرى – قازاقستان مەن ورتا ازيادان جالعىز ماڭعىستاۋداعى ن.ءجانتورين اتىنداعى وبلىستىق مۋزىكالىق تەاتر ۇجىمى بولسا, ەكىنشىسى – ليتۆالىق تەاتر.
ساحنالىق ونەر ۇجىمدارىنىڭ شىعارماشىلىق بايقاۋى جəنە شەبەرلىك سىرلارى مەن تəجىريبە الماسۋى, اتالعان ەلدەر اراسىنداعى مəدەني ىنتىماقتاستىقتى نىعايتۋ ماقساتىندىعى فەستيۆال باعدارلاماسىنا جەرلەستەرىمىز ۋ.شەكسپيردىڭ «گاملەت» تراگەدياسىن ۇسىندى. سپەكتاكلدىڭ قويۋشى رەجيسسەرى قر ەڭبەك سىڭىرگەن قايراتكەرى گ.مەرعاليەۆا. باستى رولدەردى تەاتردىڭ ر.اقتاەۆ, س.سەيتقوجاەۆا, ك.باشاروۆ, م.ومىراليەۆ, س.سəرسەن, ع.تىلەگەن, ە.بەكەن, ت.ب. تالانتتى اكتەرلەر سومداعان قويىلىمنىڭ ەكى كورسەتىلىمى دە انشلاگپەن ءوتتى.
جەرگىلىكتى كورەرمەندەر مەن əرىپتەستەرى ماڭعىستاۋلىقتار ونەرىنە ۇلكەن قوشامەت كورسەتتى. تەاتردىڭ باس رەجيسسەرى گ.مەرعاليەۆانىڭ ايتۋىنشا, ماڭعىستاۋلىق ارتىستەر ساحنالاعان قويىلىم فەستيۆالدىڭ ۇزدىك قويىلىمدارىنىڭ ءبىرى دەپ باعالاندى. سونداي-اق, قازاقستاندىق تەاتر əرتىستەرىنىڭ جوعارى كəسىبي شەبەرلىگى مەن ساحنا مəدەنيەتى تۋرالى تۇرىك باسپاسوزىندە كوپتەگەن جىلى لەبىزدەر جاريالانىپ, فەستيۆالدىڭ مəدەني باعدارلاماسى اياسىندا كورسەتكەن ۇلتتىق كيىمدەر جيىنتىقتارى əرىپتەستەرىن عانا ەمەس تۇرعىندار مەن تۋريستەردى دە قاتتى قىزىقتىرىپ, əلەۋمەتتىك جەلىدە بەلسەندى ناسيحاتتالعان.
Əلەمدىك كلاسسيكالىق تۋىندىنى ساحنالاۋداعى شەبەرلىكتەرى جəنە باعدارلامالىق مəدەني-كوپشىلىك شارالارعا بەلسەنە قاتىسقانى ءۇشىن ن.ءجانتورين تەاترى فەستيۆالدى ۇيىمداستىرۋشىلار مەن تۇركسوي-دىڭ ارنايى جۇلدەلەرىمەن ماراپاتتالدى.
«وسى ونەر ساپارى ارقىلى ءبىز ەلباسىمىزدىڭ «بولاشاققا باعدار: رۋحاني جاڭعىرۋ» ماقالاسىندا الدىمىزعا قويىلعان ۇلتتىق مəدەنيەت پەن ونەردىڭ جەتىستىكتەرىن əلەمدىك دەڭگەيدە ناسيحاتتاپ, وزگە ەلدەرمەن مəدەني بايلانىستاردى نىعايتۋعا ۇلەس قوسۋ جونىندەگى مىندەتتەرگە اتسالىسا باستادىق. ءوزىمىزدىڭ ورەمىزدى كورسەتىپ, وزگەلەردەگى دە كəسىبي وسۋگە قاجەت تəجىريبە, ماشىقتاردى ۇيرەندىك. بۇل بىزگە جازدا استانادا وتەتىن ەكسپو-2017 حالىقارالىق كورمەسىندە ەلوردالىقتار مەن əلەمنىڭ əر تۇكپىرىنەن كەلەتىن قوناقتار الدىندا دا ويداعىداي ونەر كورسەتۋىمىزگە جاقسى ساباق بولدى. ال ەكسپو-2017 كورەرمەندەرىنە ءابىش كەكىلباەۆتىڭ «شىڭىراۋ» پوۆەسىنىڭ جەلىسى بويىنشا ساحنالانعان وسى اتتاس دراما مەن سۇلتانبەك قۇدايبەرگەننىڭ «پەرزەنتحانا» قويىلىمىن ۇسىنامىز», دەيدى شىعارماشىلىق توپتى باستاپ بارعان تەاتر ديرەكتورى نۇرنياز مۇحانوۆ.
گۇلايىم شىنتەمىرقىزى,
«ەگەمەن قازاقستان»
