تاڭەرتەڭ شىمكەنت قالاسىنىڭ «ورداباسى» الاڭىنان باستالعان ءىس-شارانى وبلىس اكىمىنىڭ ورىنباسارى ەربول سادىر اشىپ, ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىنىڭ ماڭىزدىلىعىنا توقتالدى. سونىمەن بىرگە, بيىلعى «بيلەرگە تاعزىم» ۆەلوشەرۋىنە وبلىستىق, اۋداندىق سوتتاردىڭ سۋديالارى مەن وبلىس اكىمدىگىنىڭ, «نۇر وتان» پارتياسى وبلىستىق فيليالىنىڭ باسشىلارى, جەرگىلىكتى ءماسليحات دەپۋتاتتارى, جاستار, بارلىعى 120-دان استام ادام قاتىسىپ وتىرعانىن ايتتى.
وبلىستىق سوتتىڭ توراعاسى نۇرسەرىك ءشارىپوۆ ۆەلوشەرۋدىڭ باستالۋ تاريحىنا توقتالىپ, بۇگىنگى شارا مەملەكەت باسشىسىنىڭ ماقالاسىندا ايتىلعان رۋحاني جاڭعىرۋدى ىسكە اسىرۋدىڭ ناقتى ءبىر باعىتى دەپ ايتۋعا بولاتىنىن جەتكىزدى.
وسىدان كەيىن جەرگىلىكتى ءماسليحات دەپۋتاتتارى اتىنان ءو.مەلدەحانوۆ پەن «نۇر وتان» پارتياسى وبلىستىق فيليالى توراعاسىنىڭ ورىنباسارى ە.داۋىلباەۆ ءسوز سويلەپ, قاتىسۋشىلارعا ءساتتى ساپار تىلەدى.
تۇسكە تاياۋ ۆەلوسيپەدشىلەر رەسپۋبليكالىق «ۇلتتىق تاريحي-مادەني قورىعىنداعى» مارەگە جەتتى. ولاردى ورداباسى اۋدانىنىڭ باسشىلىعى مەن اۋىل تۇرعىندارى سالتاناتتى تۇردە قارسى الدى.
ودان ءارى ورداباسى تاۋىنداعى «بىرلىك» مونۋمەنتىندە جيىن ءوتىپ, اۋدان اكىمى الماسبەك مامىتبەكوۆ ۆەلوشەرۋگە قاتىسۋشىلارعا ۇلتتىق قورىققا قۇرمەت كورسەتكەندەرى ءۇشىن العىسىن جەتكىزدى.
