بۇل جونىندە سوڭعى ۋاقىتتا اقتوبە وبلىسىندا قولداۋعا ابدەن تۇرارلىقتاي ءارى ۇيرەنەتىن ءۇردىس دەۋگە تولىعىمەن كەلەرلىكتەي كەشەندى ءىس-شارالار شوعىرى بەلگىلەنگەنىن ايتۋعا ءتيىسپىز. قانداي ءىستىڭ دە ءوزىنىڭ باستاۋى مەن قاينار بۇلاعى بار. وسى ورايدا اتالعان ءىستىڭ باسى «نازارباەۆ زياتكەرلىك مەكتەبى» دەربەس ءبىلىم بەرۋ ۇيىمىنىڭ باسقارما ءتورايىمى كۇلاش شامشيدينوۆا مەن اقتوبە وبلىسىنىڭ اكىمى بەردىبەك ساپارباەۆتىڭ ءوزارا ىنتىماقتاستىق تۋرالى كەلىسىمگە قول قويۋىنان باستاۋ العانى دا باسى اشىق ماسەلە دەۋگە بولادى.
ەكىنشىدەن, ەلدىڭ ەرتەڭى قانداي بولاتىندىعىن ايقىنداي الاتىن جەتەكشى مەكتەپتەر سانى ودان ءارى ارتۋى ءۇشىن ءبىلىم بەرۋ سالاسى باسشىلارى مەن جەتەكشىلەرىنىڭ جانە ادىستەمەلىك كابينەت ماماندارىنىڭ ءجيى-ءجيى باس قوسىپ كەڭەسىپ, ورتاق ءىستىڭ ءتۇيىنىن تارقاتىپ وتىراتىن كەڭەسشى ورگاننىڭ دا قاجەتتىلىگى كورىنەدى. ءبىر سۇيسىنەرلىك جايت, ءبىر-بىرىمەن كورشىلەس قونىستانعان اقتوبە جانە باتىس قازاقستان وبلىسى پەداگوگتارىنىڭ باسىن قوساتىن جەتەكشى مەك-
تەپتەر قاۋىمداستىعى وسىنداي قاجەتتىلىكتىڭ ورنىن ارتىعىمەن تولتىرىپ جۇرگەنى دالەلدەۋدى قاجەت ەتپەيدى. اسىرەسە, قاۋىمداستىق مۇشەلەرى اراسىندا بولاشاقتان نە كۇتۋ كەرەك جانە مەكتەپتەگى ءبىلىم بەرۋ قانداي بولۋى قاجەتتىگى جونىندەگى باسى اشىق ساۋالدارعا ۇدايى جاۋاپتار ىزدەستىرىلەتىنى قۇپتاۋعا لايىقتى بولسا كەرەك.
ءبىر سوزبەن ايتقاندا, اقتوبە ايماعىنداعى جوعارىدا ايتىلعان جەتەكشى مەكتەپتەر قاۋىمداستىعى تۇراقتى تۇرلەنۋدى قامتاماسىز ەتۋدىڭ قۇرالى رەتىندە قاراستىرىلۋدا. وڭىردە ءدال وسىنداي باعىت پەن تاقىرىپتا رەسپۋبليكالىق فورۋمداردىڭ وتكىزىلۋى دە الدىڭعى پىكىرىمىزدىڭ ءبىر دالەلى ىسپەتتەس.
تاعى ءبىر ايتا كەتەرلىك ماسە-
لە, اقتوبە قالاسىندا فيزيكا-ماتەماتيكالىق باعىتتاعى نازارباەۆ زياتكەرلىك مەكتەبى نەگىزىندە «ديرەكتورلار كلۋبى» قۇرىلعان. ونىڭ وتىرىستارى تۇراقتى تۇردە بەلگىلەنگەن كەستەگە ساي وتكىزىلىپ كەلەدى. سونداي-اق, بۇگىندە ءداستۇر مەن تاجىريبەگە تولىعىنان ەنگىزىلە باستاعان پانەلدى تانىستىرىلىمدار جانە نازارباەۆ زياتكەرلىك مەكتەبى وقۋشىلارى شىعارماشىلىق جۇمىستارى مەن عىلىمي جوبالارىنان دا جەتەكشى مەكتەپتەر ۇيرەنەتىن ۇردىستەر از ەمەس ەكەنى بايقالادى.
سونىمەن بىرگە, وبلىس مەكتەپتەرىندە ءبىلىم ساپاسىنىڭ جوعارى بولۋى ءۇشىن بارلىق جاعدايلاردىڭ تۋعىزىلعانى دا بولەك تاقىرىپتىڭ ەنشىسى. اسىرەسە ءبىلىم بەرۋ نىساندارىنىڭ ماتەريالدىق-تەحنيكالىق قورى مەن جاي-كۇيىن جاقسارتۋعا جان-جاقتى كوڭىل بولىنگەنى سۇيسىنەرلىك جايت. ياعني بۇعان دەيىن وبلىستىق بيۋدجەتتەن جىل سايىن 85 ميلليارد تەڭگە ءبولىنىپ كەلگەن ەكەن. بۇل تۇتاستاي العانداعى وبلىس بيۋدجەتىنىڭ 60 پايىزىن قۇرايدى. ارينە, بۇگىنگى كورسەتكىش ەرتەڭگە ولشەم بولا المايدى. سوندىقتان دا الداعى ۋاقىتتا وبلىس اكىمدىگى تاراپىنان ءبىلىم بەرۋ سالاسىنا جۇمسالاتىن قاراجاتتىڭ كولەمىن ودان ءارى ءوسىرۋ قاراستىرىلعان. بۇعان قوسا, وتكەن جىلى قۇرىلىسى باستالعان 23 مەكتەپ پەن ءبىلىم بەرۋ نىسانىنىڭ 11-ءى بيىلعى جىلى پايدالانۋعا بەرىلەدى دەپ كۇتىلۋدە.
ال نازارباەۆ زياتكەرلىك مەكتەبىمەن ءوزارا قارىم-قاتىناس جاسايتىن جەتەكشى مەكتەپتەر سانىن كوبەيتۋ ءوڭىر باسشىسى بەردىبەك ساپارباەۆتىڭ تىكەلەي نازارى مەن باقىلاۋىندا بولىپ وتىرعانى وسى ماسەلەگە بايلانىستى وتكىزىلگەن رەسپۋبليكالىق فورۋم ۇستىندە دە ءمالىم بولدى. ارينە, بۇل ىستە باستى باسىمدىق اۋىل مەكتەپتەرىنە بەرىلمەك. راس, وڭىردە ازىرگە جەتەكشى مەكتەپتەر سانى 53-تەن اسپايدى. ءبىر قاراعاندا, ونىڭ سانى وتە از بولىپ كورىنۋى دە مۇمكىن. دەگەنمەن, دۇنيەدە نە نارسەنىڭ دە باعامى مەن قادىر-قاسيەتى سالىستىرمالى تۇردە قاراستىرعاندا عانا انىق كورىنەتىنىن ەسكەرسەك, بۇل قاناعات تۇتۋعا تۇرارلىقتاي دەرەك بولماق.
اڭگىمەنىڭ قىسقاسى, بۇگىنگى كۇنى اقتوبە وبلىسىنىڭ اكىمدىگى مەن «نازارباەۆ زياتكەرلىك مەكتەبى» دەربەس ءبىلىم بەرۋ ۇيى-
مى اراسىندا تۇراقتى وزگەرىستەردى ەنگىزۋ جانە ورتا ءبىلىم بەرۋ مازمۇنىن جاڭارتۋ مەن جاڭعىرتۋ جونىندەگى جۇمىستار قاناتىن كەڭگە جايىپ كەلەدى.
تەمىر قۇسايىن,
«ەگەمەن قازاقستان»
اقتوبە وبلىسى
