وتىرىس بارىسىندا قاتىسۋشىلار جاستار جانە سپورت سالاسىنداعى ىنتىماقتاستىق بويىنشا جۇمىس توبىنىڭ قىزمەتىن, تۇركى كەڭەسىنىڭ جاستار پلاتفورماسىنىڭ رەگلامەنتىن رەتتەيتىن قۇجاتتاردى ماقۇلدادى, سونداي-اق تۇركى كەڭەسى ەلدەرىندە وتەتىن III كوشپەندىلەردىڭ دۇنيەجۇزىلىك ويىندارى, I تۇركى ۋنيۆەرسياداسى, تۇركى كەڭەسى ەلدەرىنىڭ II جاستار فەستيۆالى سياقتى بىرقاتار اۋقىمدى ءىس-شارالارعا دايىندىق بارىسىن تالقىلادى.
ب.ارىن ءوزىنىڭ سوزىندە قاتىسۋشىلاردى قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ
«بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا كوتەرىلگەن نەگىزگى باستامالارىمەن تانىستىردى. سونىمەن قاتار, ۆيتسە-مينيستر ۇلتتىق قۇندىلىقتارىمىز بەن تاريحىمىزدى, سالت-ءداستۇرىمىزدى, مادەني ەسكەرتكىشتەرىمىزدى جاڭعىرتۋدا تۇركى كەڭەسى ەلدەرىمەن ءوزارا ىنتىماقتاستىقتىڭ ماڭىزدىلىعىن اتاپ ءوتتى:
سونداي-اق, ب.ارىن تۇركىتىلدەس ەلدەردى 2017 جىلعى 10-16 شىلدە ارالىعىندا اقمولا وبلىسىنداعى زەرەندى اۋىلىندا وتەتىن تۇركى كەڭەسىنە مۇشە ەلدەر جاستارىنىڭ حالىقارالىق جازعى لاگەرىنە بەلسەندى تۇردە قاتىسۋعا شاقىردى.
«ەگەمەن-اقپارات»
