2017 جىلدىڭ باسىنان مامىر ايىنا دەيىن ماڭعىستاۋ وبلىستىق وڭىرلىك ۇيلەستىرۋ كەڭەسىنىڭ 10-شى اشىق وتىرىسى وتسە, ونىڭ قورىتىندىسى بويىنشا 50-دەن استام جوبا ماقۇلدانىپ, مەملەكەتتەن قولداۋ الاتىن بولدى.
سولاردىڭ ءبىرى – «توميريس لتد» جشس. كومپانيا نەگىزىنەن ءار ءتۇرلى كولەمدەگى ءتۇرلى-ءتۇستى جانە ءتۇسسىز, ۇستاعىشى جانە ۇستاعىشى جوق, تاعامدىق جانە تاعامدىق ەمەس پوليەتيلەن پاكەتتەرىن وندىرۋمەن اينالىسادى. 2014 جىلدان بەرى جۇمىس ىستەپ كەلە كاسىپورىن ءوز بيزنەس اۋقىمىن كەڭەيتۋ ماقساتىندا «دامۋ» قورىنىڭ كاسىپكەرلەرگە قىزمەت كورسەتۋ ورتالىعىنا كەلىپ, مەملەكەتىك قولداۋ باعدارلامالارى جونىندە كەڭەس الدى.ورتالىق قىزمەتكەرلەرى «قازاقستان حالىق بانكى» اق ارقىلى نەسيە الۋعا قۇجات جيناۋ بارىسىندا كوپ كومەك كورسەتتى. ناتيجەسىندە بانك 60 ايعا 16,5% جىلدىق مولشەرلەمەسىمەن 18 ملن تەڭگە بەردى. كاسىپكەر «بيزنەستىڭ جول كارتاسى-2020» كاسىپكەرلىكتى قولداۋ جانە دامىتۋدىڭ بىرىڭعاي باعدارلاماسى اياسىندا سۋبسيديالاۋ قۇرالىن پايدالانا وتىرىپ, 16,5%-دىڭ تەك 6,5% وتەيدى, ال قالعان 10% قايتارىمسىز نەگىزدە مەملەكەت وتەيدى.
سونداي-اق بانككە قوياتىن كەپىلزاتى جەتكىلىكسىز بولعاندىقتان, «دامۋ» قورىنىڭ كەپىلدەمەسىن الدى. سونىڭ كومەگىمەن كاسىپكەر قاجەتتى سومانى تولىق كولەمدە الا الدى. قاراجات وندىرىستىك جابدىقتىڭ «ەكىنشى جەلىسىن» ساتىپ الۋعا جۇمسالدى.
گۇلايىم شىنتەمىرقىزى,
«ەگەمەن قازاقستان».
اقتاۋ
