اعاش ەگۋ جانە نىسان اۋماعىن تازارتۋ جۇمىستارىنا 25 جاس بۋىن مەن 25 جىل قۇقىق قورعاۋ سالاسىندا ەڭبەك ەتىپ جۇرگەن اعا بۋىن وكىلدەرى, جاڭاوزەن قالالىق ءىىب قىزمەتكرەلەرى قاتىستى.
– شارا ارقىلى جاس ءتارتىپ ساقشىلارىنا 25 جىل ىشكى ىستەر ورگانىندا ەڭبەك ءوتىلى بار اعا بۋىنداردىڭ تەك قانا وزدەرىنىڭ قىزمەتتەرىندە عانا ەمەس, قوعامدىق جۇمىستارعا دا اتسالىساتىندىعىن كورسەتۋ جانە جاستاردى پاتريوتتىق تاربيەگە باۋلىپ, ولاردىڭ اعا بۋىننان ۇلگى-ونەگە الۋىنا, ءوز ەڭبەكتەرىنە ادال بولۋىنا كومەك بەرۋ, سونداي-اق حالىقتىڭ ىشكى ىستەر ورگانىنا دەگەن سەنىمدىلىگىن نىعايتۋ. مەن ۇجىم اتىنان قازاقستاندىق پوليتسەيلەردى مەرەكەسىمەن قۇتتىقتايمىن, وتباسىلارىنا اماندىق, ەڭبەكتەرىنە تابىس تىلەپ, ءاردايىم حالقىمىزدىڭ تىنىشتىعىن قورعايتىن جىگەرىمىز, كۇش-قايراتىمىز تاۋسىلماسىن, حالىقىمىز ءۇشىن ايانباي ەڭبەك ەتەيىك, دەگىم كەلەدى, دەيدى جاڭاوزەن قالالىق ءىىب-نىڭ باستىعى پوليتسيا پولكوۆنيگى امانگەلدى اسقار ۇلى.
– وسى شارا ارقىلى ءبىز ىشكى ىستەر ورگاندارىندا 25 جىل ەڭبەك ءوتىلى بار ۇلكەن اعا بۋىن وكىلدەرىنەن قوعامدىق جۇمىسقا بەلسەنە قاتىسۋ قاجەت ەكەندىگىن بىلدىك, ولار ەڭبەك ەتۋ مەن ەل الدىنداعى جاۋاپكەرشىلىك تۋرالى ناسيحاتتاۋدان جالىققان جوق. ءبىز حالقىمىزدىڭ سەنىمىن اقتاۋعا, قىزمەت بارىسىندا ادال دا, ايانباي ەڭبەك ەتۋگە دايىنبىز. ال اعا ۇرپاقتان الاتىن پاتريوتتىق تاربيەمىز دە, تاجىريبيەمىز دە, ۇلگى-ونەگەمىزدە كوپ دەپ سانايمىن, دەيدى جاڭاوزەن قالالىق ءىىب ءىىب ءاپت ينسپەكتور پوليتسەيى قابىلبەك قاتتىبەكوۆ.
گۇلايىم شىنتەمىرقىزى,
«ەگەمەن قازاقستان».
اقتاۋ
