«قر پرەزيدەنتى اكىمشىلىگىنىڭ كەلىسىمىمەن مەنىڭ جارلىعىم بويىنشا لياپۋنوۆ اندرەي باسقا جۇمىسقا اۋىسۋىنا بايلانىستى قىزمەتىنەن بوساتىلدى. وزدەرىڭىز بىلەسىزدەر, اندرەي لياپۋنوۆ ەكى جىلدان استام ۋاقىت بويى تۇرعىن ءۇي-كوممۋنالدىق شارۋاشىلىق جانە تج ماسەلەلەرىنە جەتەكشىلىك ەتتى. ول ءوزىن وبلىسىمىزدىڭ ەڭ كۇرمەۋلى سالالارىن تاماشا بىلەتىن بىلىكتى مامان رەتىندە كورسەتە ءبىلدى», دەدى ەرلان قوشانوۆ.
جەدەل ءارى دەر كەزىندە اتقارىلعان ءىس-ارەكەتتەردىڭ ارقاسىندا قاراعاندى وبلىسىندا كوكتەمگى سۋ تاسقىنىنىڭ قيىندىقتارىن ازايتۋعا مۇمكىندىك تۋدى دەپ اتاپ ءوتتى وبلىس اكىمى. ەرلان قوشانوۆ اندرەي لياپۋنوۆقا اتقارعان جۇمىستارى ءۇشىن العىسىن ءبىلدىرىپ, وبلىس اكىمىنىڭ قۇرمەت گراموتاسىن تابىس ەتتى.
«قر پرەزيدەنتى اكىمشىلىگىنىڭ كەلىسىمىمەن مەنىڭ وكىمىمەن وبلىس اكىمى ورىنباسارى قىزمەتىنە شكارۋپا اناتولي ۆالەري ۇلى تاعايىندالدى», دەدى وبلىس اكىمى.
ول جاڭا ورىنباسار الدىنا ايماعىمىزدىڭ كەلەسى جىلعى جىلىتۋ ماۋسىمىنا دايىندىعى جانە تج-نىڭ الدىن الۋ بويىنشا بىرنەشە مىندەت قويدى.
ا. شكارۋپا 1975 جىلى الماتى وبلىسىنىڭ ەڭبەكشىقازاق اۋدانىنىڭ ەسىك قالاسىندا تۋعان. الماتى ەنەرگەتيكا جانە بايلانىس ينستيتۋتىن تامامداعان. ماماندىعى بويىنشا ينجەنەر-ەكونوميست.
