بيىل شىۇ فورۋمىنىڭ جۇمىسىنا شىۇ مۇشە مەملەكەتتەردىڭ (قازاقستان, قىتاي, قىرعىزستان, رەسەي, تاجىكستان مەن وزبەكستان), اۋعانستان, ءۇندىستان, پاكىستان, يران مەن بەلارۋسيا سەكىلدى باقىلاۋشى مەملەكەتتەردىڭ ۇلتتىق زەرتتەۋلەر ورتالىقتارىنىڭ دەلەگاتسيالارى, وزبەكستاننىڭ عىلىمي-ساراپتامالىق قاۋىمداستىعىنىڭ, سونىمەن قاتار, وزبەكستاندا اككرەديتاتسيالانعان ديپلوماتيالىق كورپۋستىڭ وكىلدەرى قاتىستى. فورۋمعا قازاقستان اتىنان ءالەمدىك ەكونوميكا جانە ساياسات ينستيتۋتى ساراپشىلارى اسقار نۇرشا مەن رۋسلان ءىزىموۆ قاتىستى.
شارانىڭ ۇيىمداستىرۋشىسى – وزبەكستاننىڭ ءسىم مەن فورۋمعا جەتەكشىلىك ەتكەن وزبەكستان رەسپۋبليكاسى پرەزيدەنتىنىڭ جانىنداعى ستراتەگيالىق جانە ايماقارالىق زەرتتەۋلەر ينستيتۋتى.
وتىرىس بارىسىندا مۇشە مەملەكەتتەر اراسىنداعى قارىم-قاتىناس, 2017 جىلدىڭ 8-9 ماۋسىمىندا استانا قالاسىندا وتەتىن شىۇ ءسامميتىنىڭ كۇن ءتارتىبى, سونداي-اق, سامميت اياسىندا ءۇندىستان مەن پاكىستاننىڭ شىۇ مۇشەلىگىنە ءوتۋ جايتتارى قارالدى.
جالپى, فورۋم قاتىسۋشىلارىنىڭ پىكىرءىنشە, 2006 جىلى شىۇ قىزمەتىنە كەڭەسشى-ساراپشىلىق سەرىكتەستىك مەحانيزمى رەتىندە قۇرىلعان فورۋم ايماقارالىق ىنتىماقتاستىن ماسەلەلەردى تالقىعا سالاتىن بەدەلدى حالىقارالىق پىكىرتالاس الاڭىنا اينالىپ ۇلگەردى.
قازاقستانداعى قر تۇڭعىش پرەزيدەنتى - ۇلت كوشباسشىسى قورىنىڭ جانىنداعى الەمدىك ەكونوميكا جانە ساياسات ينستيتۋتى شىۇ ۇلتتىق زەرتتەۋ ورتالىعى بولىپ تابىلادى. كەزەككە سايكەس, 2018 جىلى شىۇ فورۋمىنىڭ وتىرىسىنا اەسي جەتەكشىلىك ەتەدى.
قازاقستان رەسپۋبليكاسىنىڭ تۇڭعىش پرەزيدەنتى – ۇلت كوشباسشىسى قورىنىڭ جانىنداعى الەمدىك ەكونوميكا جانە ساياسات ينستيتۋتى 2003 جىلدان بەرى جۇمىس ىستەپ كەلەدى. اەسي قازاقستان رەسپۋبليكاسى تۇڭعىش پرەزيدەنتىنىڭ مەملەكەتتىلىكتى قۇرۋ مەن قالىپتاستىرۋ, حالىقارالىق سەرىكتەستىكتى دامىتۋ, بەيبىتشىلىك پەن تۇراقتىلىقتى ساقتاۋداعى ەلەۋلى ەڭبەكتەرىن زەرتتەيدى.
